ဝန်ဆောင်မှု  ဒီစကားလုံးနဲ့ မငုံ ခဏခဏအခက်တွေ့ပါတယ်။ ကိုယ်ကပဲ သူတို့ပေးမဲ့ သတ်မှတ်ချက်တွေ ပါတဲ့ဝန်ဆောင်မှုစာရင်းထဲမပါလို့လားမသိ။ ပထမဆုံးပြောချင်တဲ့ ၀န်ဆောင်မှုက...... ဘဏ်ဝန်ဆောင်မှုပါပဲ။  မြန်မာနိုင်ငံမှာ ဘဏ်လုပ်ငန်းတွေ တိုးတက်လာတာ အားလုံးအသိပါ။ ပြီးတော့ သူ့ထက်ငါ ပိုကောင်းတဲ့ဝန်ဆောင်မှုတွေပေးနိုင်အောင် လုပ်ဆောင်နေကြတာလဲ အသိပါ။ အဲလို ဘဏ်တွေ သူ့ထက်ငါပိုကောင်းတဲ့ဝန်ဆောင်မှုတွေပေးနေချိန်မှာ အဘယ့်ကြောင့်များမငုံ တစ်ခါတစ်ခေါက်ရောက်သွားတဲ့  မြန်မာ့စီးပွားရေးဘဏ်က ၀န်ဆောင်မှုက ဒီလိုဖြစ်နေတာလဲပါလဲ။
မငုံအဒေါ်ကို ငွေလွှဲရောက်လို့ ခြေထောက်နာနေတော့ ဘေးကနေ တွဲဖော်လေးအဖြစ်လိုက်သွားတာပါ။ အတွင်းခန်းကျကျ စားပွဲခုံလေး သုံးခုံကို အလယ်ကနေ ရှေ့၊ ရှေ့ဆုံးကနေ နောက် နဲ့ အဒေါ်ကိုကိုယ်စား လုပ်ပေးခဲ့ပါတယ်။ မပြောပါဘူး။ သူတို့လုပ်ထုံးလုပ်နည်းကိုးနော့။ အဲ လက်မှတ်လဲထိုးရော.. မငုံက အဖော်အဖြစ်ပါလာမှန်းသိတော့ လူပိုကအပြင်ထွက်တဲ့။ ဟင်းးးးး လူပိုကြီးပါလားနော်။ ထွက်ပေးပါတယ်။ အဒေါ်ခမျာခြေထောက်နာနာနဲ့ အကြာကြီး(ဘာလုပ်မှန်းမသိတာကို ရပ်စောင့်နေတာ) ကျန်နေခဲ့တော့တယ်။ ခဏနေကြာတော့ ထွက်လာရော .... ခုံတန်းလေးမှာ ထိုင်ကာစောင့်နေလိုက်တာ တော်တော်နဲ့မလာဘူး။ ကိုယ်လိုလူတွေတန်းစီထိုင်စောင့်နေတာ အများကြီး။ ဘေးက အန်တီကပြောပါတယ်။ ကျွန်မက လတိုင်းပင်စင်ထုတ်နေကျဆိုတော့ ရိုးနေပါပြီတဲ့။ မန်နေဂျာခန်းကနေ နောက်တဆင့်လက်မှတ်ထိုးရမဲ့နေရာကြားထဲမှာ ငွေလွှဲစာရွက်လာယူဖို့ နာမည်ခေါ်တာကို စောင့်ရပါသေးတယ်။ ခေါ်ပါပြီ...နာမည်။ တခွန်းတည်းခေါ်တာနော်...ဟိုးးးးနောက်ဘက်ခန်းကနေ။ မှတ်သားလောက်ပါပေတယ်။ မိုက်မပါ ဘာမပါနဲ့ အသံကျယ်ကြီးနဲ့အော်ခေါ်ရတာ မောမှာပေါ့။ ဒါကြောင့် တခွန်းတည်းခေါ်တာနေမှာ။ အဲစာရွက်ကိုလဲ ငွေလွှဲလက်ခံမဲ့သူကပဲ ထယူရပါတယ်။ ယူလာတဲ့စာရွက်ကို ကောင်တာတစ်ခုမှာ လက်မှတ်ထိုး ပြီးတော့ ငွေထုတ်ကောင်တာရှေ့က ခုံတန်းလေးမှာ ထပ်စောင့်စေသတည်း။ အင်မတန်အံ့သြဖွယ်တခုတွေ့လိုက်ရတာက...ငွေဘယ်လောက်ထုတ်ထုတ်..တစ်သောင်းကနေ သိန်းတစ်ရာထုတ်ထုတ်...ငွေထည့်ပြီးယူသွားဖို့ ကျွတ်ကျွတ်အိတ်မပေးခြင်းပါပဲ။ ဒီနေရာတခုတည်းမှာပဲ အန္တရာယ်များသောကျွတ်ကျွတ်အိတ်ကို ဆန့်ကျင်နေတာတွေ့ရပါတယ်။ အဲတနေ့တာရဲ့နေ့တ၀က်ကိုတော့ ဘဏ်မှာပဲထိုင်ဖြုန်းလိုက်ပါတယ်။
မြန်မာ့စီးပွားရေးဘဏ်ဆိုတာ  အင်မတန်မှ စိတ်ချယုံကြည်ရတဲ့ဘဏ်တခုပါ။ သူ့မှာ ပြိုလဲသွားခြင်းမရှိပါဘူး။ အင်မတန်ခိုင်မာပါတယ်။ ဒါကြောင့်လဲ ငွေစုလိုသူ စိတ်ချယုံကြည်မှုကို ရှာသူတွေက မြန်မာ့စီးပွားရေးဘဏ်မှာအပ်ကြပါတယ်။ ဒါကြောင့် ၀န်ဆောင်မှုလေး နည်းနည်းလေးမြှင့်ပေးပါလား။ မြန်မာ့စီးပွားရေးဘဏ်တိုင်းကိုမဆိုလိုပါဘူး။ တချို့မြန်မာ့စီးပွားရေးဘဏ်တွေ ၀န်ဆောင်မှုအပြည့်မပေးနိုင်တောင် အကောင်းဆုံးလုပ်ပေးတာကို ကြုံဖူးသလို အပြင်ပုဂ္ဂကဘဏ်အချို့မှာလဲ စိတ်ကတိကအောက်ဖြစ်ရတဲ့ ၀န်ဆောင်မှုကိုလဲ ကြုံဖူးပါတယ်။ ကိုယ်တိုင်ကလဲ ဘဏ်လုပ်ငန်းမှာ လေးနှစ်တိုင်တိုင်လုပ်ခဲ့ဖူးတာမို့ သဘောပေါက်နားလည်ပေမဲ့ အဲတနေ့ကတော့ လွန်ပါတယ်လို့ပဲ ပြောပါရစေတော့ရှင်....
နောက်တခု အင်မတန်မှစိတ်ဆိုးမိတဲ့ ၀န်ဆောင်မှုကတော့ Supermarket မှာပါ။ အိမ်အနီးနားက Supermarket တခုမှာ လိုအပ်တဲ့ပစ္စည်းလေးဝယ်ဖို့ ထွက်လာပါတယ်။ အိမ်နဲ့လဲမဝေး ပြီးတော့ စုတ်ပြတ်သတ်နေတာလဲမဟုတ်တော့ အိမ်နေရင်းဝတ်စုံနဲ့ပဲထွက်လာမိတယ်။ ကိုယ်လိုချင်တဲ့ပစ္စည်းရှာနေရင်း သတိထားမိနေတာက ကိုယ့်နောက်ကို တကောက်ကောက် လိုက်နေတာပါပဲ။ အဲတော့ “ ဘာလဲဟ ” ဆိုပြီး စိတ်ပေါက်ပေါက်နဲ့ ၀ယ်မဲ့ပစ္စည်းတောင် မရွေးသေးပဲ တပတ်ပြီးတပတ် လျှောက်သွားနေလိုက်တယ်။ ရှာမတွေ့လို့များမေးတော့လဲ ဖြေချင်သလိုလို မဖြေချင်သလိုလိုနဲ့။ မ၀ယ်နိုင်ပဲမေးသလိုလို၊ ၀ယ်မှာလဲမဟုတ်ပါဘူးဆိုတဲ့ အကြည့်တောင်ခံလာရသေးတယ်။ Customer တယောက်ကို ၀န်ဆောင်မှုပေးရာမှာ အပြင်ပန်းနဲ့ တန်ဖိုးကြီးတဲ့ဝတ်စုံနဲ့ ပိုက်ဆံအိတ်ကြီးကြီးနဲ့ ခန့်ခန့်ကြီးမှ ပေးချင်တာလား???? သူလိုအပ်တာ သူတတ်နိုင်လို့လာဝယ်တာဖြစ်ဖြစ်၊ စိတ်ဝင်စားလို့ကြည့်တာဖြစ်ဖြစ် Customer က Customer ပါပဲ။ Customer မေးတာကို မကြားလောက်အောင် ဘာတွေစိတ်ဝင်တစား အရေးတကြီးစကားဖောင်ဖွဲ့နေ၊ သူခိုးတစ်ယောက်လို၊ အလစ်သုတ်သွားတော့မဲ့သူတစ်ယောက်လို လုပ်တာတွေက အင်မတန်မှ ကိုယ့်ဆိုင်ကို နာမည်ပျက်စေတဲ့ ၀န်ဆောင်မှုကြီးဆိုတာပါပဲ။
မဖြစ်သင့်လို့ရေးလိုက်တာပါ။ မည်သူတစ်ဦးတစ်ယောက်ကိုမျှ ထိခိုက်လိုစိတ်မရှိပါ။