ညှို့မှိုင်းမှိုင်းတောင်တန်းတွေမှာ
မြူခိုးတွေဆိုင်းနေတာက
စာတပုဒ်ဖြစ်တည်ဖို့လား…

အရိုင်းနေကြာပန်းရွှေဝါတွေ
ဆောင်းလေကြားမှာ ယိမ်းနွှဲ့နေတာက
ကဗျာတပုဒ်စပ်ဆိုဖို့လား…

ငါ့ရင်ထဲမှာတော့……

ကဗျာလဲ မမှီရပါဘူး။
စာလဲမပီသပါဘူး။
ဒါပေမဲ့………
လွမ်းနေတာတော့အချိန်တိုင်းပါပဲ။

နေ့ရက်ချိန်ကြားရွေ့ဆိုင်းကာသွားတိုင်း
လက်ချိုးရေတွက်ထားတယ်
ချစ်သူ………
မင်းပြန်လာရက်လေးကိုပေါ့။
ဆောင်းရိပ်ကိုခိုဖို့ ချိန်တန်လေတော့ တောင်ပတ်လည်ဝိုင်းနေတဲ့ ကျွန်မရဲ့ မြို့ငယ်လေးမှာ မြူခိုးတွေ ဆိုင်းနေလိုက်တာများ ဘယ်ကြည့်ကြည့် အဖြူရောင်သန်းနေတယ်။ ချမ်းအေးတုန်လို့ခြုံစောင်ထဲက မခွာချင်နေဘူးလေ။ နေထွက်ချိန်တန်ပေမဲ့ တောင်နံရံတွေမှာ မြူမှုံဆိုင်းဆဲလေ။နိုဝင်ဘာလ ဆောင်းရိပ်ဝင်စမို့ထင်ပ ပန်းရောင်သန်းတဲ့ ချယ်ရီပန်းများ မပွင့်လန်းသေးပဲပွင့်အာသန်ရန် ရည်မျှော်ဆဲမို့ ချယ်ရီပင်များ ရွက်နုနီစိမ်းလေးတွေ ထင်းနေပြီလေ။ ချယ်ရီမမြင်ရတာ ငါးနှစ်ကျော်ပြီမို့ ဒီတစ်ဆောင်းရဲ့ ချယ်ရီပန်းကို စောင့်မျှော်လင့်နေပါရဲ့လို့ မြန်မြန်ပွင့်စေချင်နေပြီလေ။ နေ့လည်ခင်းပေမဲ့ အနွေးထည်ကိုယ်စီနဲ့...နေမင်းရောင်က ခပ်ဖျော့ဖျော့သာရယ်မို့ အအေးဓာတ်ကို မစိုးမိုးနိုင်ဘူးလေ။ ညနေခင်းများရောက်ရင် မီးဖိုနံဘေးမှာပေမဲ့ အချမ်းမပြေနိုင်ဘူး။ ညဉ့်နက်လေ ချမ်းစိမ့်လေမို့ "ချမ်းလိုက်တာ ချမ်းလိုက်တာ"နဲ့ ငြီးကာ ငြီးကာနေရတော့တယ်။ နှင်းမှုံဖွေးဖွေးတွေကလဲ ညဉ့်နက်လေ ကျရောက်လိုက်တာများ ကြယ်ရောင်မလင်းတဲ့ညကို ကြယ်ဖြူလေးတွေကိုယ်စားကြဲပက်နေတာလားလို့ ပြောလိုက်ချင်ရဲ့။ ဒါတောင် ဆောင်းရိပ်ခိုစနော်။ ဒါကြောင့်ရယ်မို့ရှမ်းပြည် (တောင်ပိုင်း)မှာ အအေးဆုံးမြို့ရယ်လို့ ပြောကြတာပေါ့။