ဒီလို တော်သလင်းလဆိုရင် ကျွန်မတို့ မွေးရပ်မြေလေးမှာတော့ ဖောင်တော်ဦးဘုရားပွဲတော်ရှိပါတယ်။ ဒီဖောင်တော်ဦး ဘုရားက ပင်လောင်းမြို့ရဲ့ အနီးနားက ပင်လောင်းကြီးဆိုတဲ့ ရွာလေးမှာ တည်ရှိတယ်လေ။ ဒီပင်လောင်းကြီးဒေသဟာ တောင်ထူထပ်ပြီး ဂူပေါင်းများစွာရှိတယ်။ ဒီဂူတွေထဲကို အင်္ဂလိပ်ခေတ် ၊ ဂျပန်ခေတ် စတဲ့စစ်ကြီး ခေတ်တွေမှာ သွားရောက်နေထိုင် ခိုအောင်းကြရတယ်လို့ လူကြီးသူမများပြောတာ ကြားဖူးပါတယ်။ ကျွန်မတို့ ပင်လောင်းမြို့လေးကို လူအတော်တော်များများသိတာက ပအိုဝ့်လူမျိုးအများစု နေထိုင်ရာပေါ့။ မှန်ပါတယ်။ ကျွန်မမွေးရပ်မြေရဲ့နယ်မြေလေးမှာ အများစုက ပအိုဝ့်လူမျိုးများဖြစ်ပြီး ရှမ်း ၊တောင်ရိုး အသင့်အတင့် နေထိုင်ပါတယ်။ ဒီပင်လောင်းကြီးကျေးရွာမှာတော့ ရှမ်းလူမျိုးများချည်းသာ နေထိုင်ပါတယ်။ အဓိက လက်ဖက်ခြောက်လုပ်ငန်း ၊ ရှမ်းစက္ကူလုပ်ငန်းနဲ့ အသက်မွေးပါတယ်။

ဒီဖောင်တော်ဦးဘုရားပွဲကို ပင်လောင်းမြို့နယ်တစ်ခွင် ရပ်နီးရပ်ဝေးမှ တိုင်းရင်းသားများ လာေ၇ာက်ကြပါတယ်။ ဒီအတွက်လာရောက်သမျှ ဧည်သည်များကို ကျွေးမွေးရန် ပင်လောင်းကြီး ဖောင်တော်ဦးဘုရားပွဲရဲ့ဟင်းလို့ သတ်မှတ်ရလောက်တဲ့ မျှစ်စင်းဟင်းပါပဲ။ မျှစ်များကို ပင်လောင်းနယ်တခွင်မှ လူကြီးလူငယ်များက ပွဲမစမီ သုံးရက်အလိုကတည်းက မိမိတို့အိမ်မှ ဓားကိုယ်စီနဲ့ သွားရောက်ကြပြီး အတူတကွ စင်းကြပါတယ်။ ဒါလေးက တကယ့်ချစ်စရာ အလေ့အထလေးပါ။ မည်သူတစ်ဦးတစ်ယောက်ရဲ့ တိုက်တွန်းမှု့မပါပဲ တပျော်တပါး လာရောက် မျှစ်စင်းကြပါတယ်။ မျှစ်စင်းရာမှ ထွက်လာတော့ ဒုတ်..ဒုတ် ဆိုတဲ့ ဓားချက်သံတွေ ၊ အချင်းချင်း စကားပြောခြင်း ၊ နောက်ပြောင်ပြောဆိုခြင်းများဖြင့် ညီညွှတ်စွာ စုပေါင်းလုပ်ကိုင်ကြပါတယ်။ ဒီစင်းပြီးသားမျှစ်များကို ၀က်သားသုံးထပ်သားနဲ့ ချက်ကြပါတယ်။ နောက်အချဉ်ပွဲအနေနဲ့ သရက်သီးစင်းသုပ်လေးပါ။ မလာရောက်နိုင်တဲ့ အိမ်များကိုလဲ ချိုင့်များဖြင့် ထဲ့ပေးပြီး ပို့ဆောင်ပေးပါတယ်။ ဒီမျှစ်စင်းဟင်းကို မစားလိုက်ရရင် တစ်နှစ်တာမပြည့်စုံသလိုအထိ ပင်လောင်းကြီးဖောင်တော်ဦးဘုရားပွဲ မျှစ်စင်းဟင်းက နာမည်ကြီးလှပါတယ်။

ဒီဘုရားပွဲကို ပဒေဿပင်များ သီကုံးပြီး သွားရောက်လှူဒါန်းကြပါတယ်။ ရပ်ကွက်အလိုက် ကျေးရွာအလိုက်အပြင် ပင်လောင်းမြို့ရှိ ကျောင်းများမှလဲ ပဒေဿပင်သီကုံးပြီး သွားရောက်လှူဒါန်းကြပါတယ်။ ကျောင်းသူများကတော့ စိန်ရောင်ခြည်ဘုရားပင့်ကို ပွဲတော်အတွက် နှစ်ပတ်အလိုကတည်းက ဆရာမမှ လေ့ကျင့်သင်ကြားပေးပြီး သွားရောက်ရွတ်ဆိုပူဇော်ကြပါတယ်။ အလယ်တန်းကျောင်းဆိုရင် အတန်းအကြီးဆုံးဖြစ်တဲ့ ရှစ်တန်းကျောင်းသူများမှ ပူဇော်တယ်။ မူလတန်းဆိုရင် လေးတန်းကျောင်းသူများမှ ပူဇော်တယ်။ အဲဒီလို ပွဲတော်ရက် တော်သလင်းလပြည့်နေ့မှာ စည်းကားသိုက်မြိုက်စွာ ကျင်းပတဲ့ ဖောင်တော်ဦးဘုရားပွဲ့အကြောင်းလေးကို ဝေမျှပေးလိုက်ပါတယ်။ အလည်တစ်ခေါက်အရောက်လာကာ ဘုရားဖူးရင် ပွဲတော်ရဲ့ မျှစ်စင်းဟင်းကို လာရောက်မြည်းစမ်းဖို့ ဖိတ်ခေါ်ပါတယ်။။။။။
Justify Fullမေလရဲ့ တညနေခင်းမှာ မိုးမိုးက အပြင်သွားမယ်ပြောလို့ လိုက်သွားရာကနေ ငါးပေရှစ်လက်မ အရပ်အမောင်း အသားညိုမယောင်နဲ့ဖြူဝင်းနေပြီး ရယ်ပြုံးနေတဲ့ မျက်နှာထားချိုချိုနဲ့ သူ့ကိုစမြင်လိုက်တော့ စိတ်ထဲမှာ တော်တော်လေး ရင်းနှီးခင်မင်နေခဲ့မိတယ်။ မိုးမိုးနဲ့စကားတွေ ပြောနေတဲ့ပုံက မာနရိပ်ဆိုတာမရှိပဲ ရိုသေလေးစားမှု့အပြည့်ရှိနေခဲ့တယ်။ အပြန်မှာတော့ ကျွန်မကိုပါ ခေါင်းငြိမ့်ပြီး အသိအမှတ်ပြု နှုတ်ဆက်လိုက်တဲ့ အပြုံးလေးက စွဲမြဲပြီးထင်ကျန်ရစ်လာတယ်လေ။ အဲဒီနေ့ရက်မှစ စနေနေ့တိုင်း ကျွန်မအတွက် တာဝန်လေးတစ်ခု ရရှိလာပါတော့တယ်။ သူ့အဆောင်ဆီသို့သွားပြီး လိုအပ်တဲ့ပစ္စည်းလေးတွေ ပို့ဆောင်ပေးရတဲ့ ၀တ္တုရားလေးကို ကျေနပ်စွာ ထမ်းဆောင်ခဲ့တယ်။

ဧည့်တွေ့ဆောင်ရဲ့ ဆက်တီခုံမှာ ထိုင်နေပေမဲ့ နောက်ဘက်ဆီက လျှောက်လမ်းလာတဲ့ ခြေသံဖွဖွတွေအကြား နှစ်မြောနေမိတယ်။ ပုဆိုးအပြာရင့်ရင့်ကို ရှပ်အင်္ကျီဝါနုနုလေးနဲ့ တွဲဖက်ဝတ်ထားတဲ့ အဲဒီစနေညနေလေးက မေ့မရဖြစ်ခဲ့မယ်ဆိုတာ မယုံကြည်ရဲခဲ့ဘူး။ “ ညီမလေး sorry နော်။ စောင့်နေတာကြာသွားလား “ တဲ့။ တွေ့တာနဲ့ နှစ်လိုဖွယ်ကောင်းပြီး ပြုံးရယ်နေတတ်တဲ့ မျက်နှာထားလေးနဲ့ အားတုံ့အားနာပုံဖြင့် ပြောဆိုလာပုံက နွေးထွေးနေတယ်။ အသက်အရွယ်ချင်း တစ်နှစ်သာကွာပေမဲ့ လူကြီးဆန်လှတယ်။ သူ့ရဲ့မေးမြန်းမှု့တွေနဲ့အတူ စကားတွေပြောနေပေမဲ့ ရှက်ရွံ့မှု့တွေက အလိုလိုဖြစ်ပေါ်လာမိတယ်လေ။ ကားထဲအရောက် ပို့ဆောင်ပေးပြီး နှုတ်ဆက်ထွက်သွားတဲ့ သူ့နောက်ကျောပြင်ကို ကားပေါ်ကနေ အလိုအလျောက် ငေးမောနေမိတယ်။

တနင်္ဂနွေနေ့လည်ခင်းမှာတော့ သူ့အဆောင်နဲ့ ကျွန်မတို့နေထိုင်ရာ အိမ်လေးက မဝေးပေမဲ့ လမ်းက သွားရခက်တာမို့ လေယာဉ်ပြေးလမ်းပေါ်ကနေပဲ ဖြတ်လမ်းဖြင့် စက်ဘီးတစ်စီးနဲ့ ရောက်ရှိလာပြီး အိမ်မှာပဲ သူ့မိသားစုနဲ့ဖုန်းပြော၊ နေ့လည်စာစား၊ စကားပြောခြင်းများဖြင့် ညနေ ငါးနာရီမထိုးမချင်း အချိန်ကုန်ခဲ့တယ်လေ။

တနင်္လာနေ့ကနေ သောကြာနေ့အထိ အရင်ကဆို အမောင်းသင်လေယာဉ်သံများကို အမှု့မဲ့အမှတ်မဲ့ ရှိနေခဲ့သူက အခုဆို ကျောင်းပြန်လာချိန်တိုင်း အိမ်ထဲမ၀င်ဖြစ်သေးပဲ အိမ်ကနေ မြင်တွေ့နေရတဲ့ မြင်ကွင်းလေးကို ငေးမောနေတတ်လာခဲ့တယ်လေ။ စနေနေ့ရက်များကိုလဲ ရင်ခုန်စွာ မှန်ရှေ့မှာ အချိန်ပိုကြာမြင့်စွာ နေတတ်လာသလို တနင်္ဂနွေနေ့ ရက်ပေါင်းများစွာကိုလဲ ဒန်းလေးပေါ်ကနေ စာထဲစိတ်ဝင်စားသယောင်နဲ့ လာရာလမ်းလေးဆီ ငေးမောနေတတ်လာခဲ့တယ်။ ခပ်ဝေးဝေးမှ အရိပ်လေးကို တွေ့မြင်ရတယ်ဆိုရင်ပဲ လက်ဖျားခြေဖျားတွေ အေးစက်လာမိပြီလေ။

နာ၇ီစက္ကန့်တိုင်း ရက်တွေတိုင်းဖြတ်ကျော်လာခဲ့ရသလို သူနဲ့ရင်းနှီးပျော်ရွှင်စွာ နေရတဲ့အချိန်တိုင်းကို စိန်စီထားမိလာတယ်။ အချွဲနွဲ့လွန်းပြီး “ကိုး “ လို့ခေါ်လိုက်တိုင်း ရယ်ဟဟနဲ့ သဘောကျနေတတ်တဲ့ ၊ စိတ်ကောက်နေတဲ့ ကျွန်မကို ခေါင်းပုတ်ပြီး ချော့လိုက်ဖို့ ၀န်မလေးတတ်သလို ၊ ကျွန်မ စိတ်ဆိုး စိတ်ကောက်မှာ အင်မတန်မှ ကြောက်သူပေါ့။ တစ်ခါတစ်ရံ မိန်းကလေးပါးစပ်ဖျား ထွက်ပေါ်လာတဲ့ သူ့နာမည်ကို ကြားရရင်တောင် ပူလောင်စွာ သ၀န်တိုမိနေပြီး မျက်နှာစူပုတ်နေတတ်ပေမဲ့ အဲဒီမိန်းကလေးတွေအရှေ့မှာ နေပူမှာစိုးလို့ အရိပ်အောက်မှာ နေဖို့ နဲ့ မြင်ရလောက်တဲ့နေရာကနေ ရပ်ပြီး မကြာခဏ စိတ်ပူစွာ လှမ်းကြည့်နေတတ်တဲ့ အချိန်ကျတောဲ့ မော်ကြွားစိတ်နဲ့ ပြုံးနေမိတယ်လေ။

အများအမြင်မှာ လက်တွဲခိုင်မြဲမယ်လို့ ထင်မြင်ယူဆချက်ကြား ကွဲကွာခဲ့ရပေမဲ့ ဒီပျော်ရွှင်စရာ ဒိုင်ယာရီနေ့ရက်လေးကိုတော့ မမေ့ဖျောက်မိသေးဘူးလေ။

မကြီးကျေနပ်တယ်မလား?? ဒိုင်ယာရီရက်စွဲများထဲကနေပြီး ပျော်ရွှင်ခဲ့ရတဲ့ ဒိုင်ယာရီနေ့စွဲလေးကိုပဲ ဖတ်ပြလိုက်မိတယ်လေ။
မမရေ..ဒီနေ့ သြဂတ် ၂၅ ရက်နေ့ မမရဲ့မွေးနေ့ရောက်လာပြန်ပြီ။ မွေးနေ့မှာ အတူမရှိတာ နှစ်နှစ်ရှိသွားပြီနော်။ အစ်မကောင်းတယောက် ပီသတဲ့ မမ မွေးနေ့ရက်မှစ ဘ၀တစ်လျှောက်လုံး စိတ်ချမ်းသာ ကိုယ်ကျန်းမာစွာနဲ့ ရှိနေပါစေ။

မမရေ သိလား. ဒီနေ့ပြန်တွေးကြည့်မိတယ်။ မမ ဘယ်လိုအစ်မမျိုးလဲ?? ဘယ်လိုသမီးမျိုးလဲ?? ဆိုတာကိုလေ။ မမ အကြောင်းကို ပြန်တွေးကြည့်ပြီး ရယ်မိတာတွေရှိသလို သနားတာတွေလဲ အများကြီးပဲ။ မမ က မိသားစုကိုချစ်တာ တအားတရားလွန်အောင် ချစ်တတ်တယ်နော်။ မမက မိသားစုကိုထိရင် တစက်ကလေးမှ မကြိုက်ဘူးနော်။ လူကြီးတွေပြောပြလို့သိရတာက မမက မေ့နို့ကို ခြောက်လပဲစို့လိုက်ရတယ်တဲ့။ နို့မဖြတ်ရပဲ ပြတ်သွားရတဲ့ အကြောင်းလေးကတော့ သနားစရာပဲ။ ခြောက်လအရွယ် လေးဘက်ထောက်တတ်နေပြီ ဖြစ်တဲ့ မမက တစ်နေ့ ပင်လောင်းရဲ့အအေးဒဏ်ကြောင့် ရေနွေးအိတ်ကပ်ထားတဲ့ အမေ့ရင်ခွင်ပေါ် မပြောမဆို တက်ပြီး နို့စို့မလို့အလုပ် ပျော့ပျော့လေးဖြစ်နေတဲ့ ရေနွေးအိတ်ရဲ့ အထိကြောင့် လန့်ဖြန့်သွားပြီး အဲဒီနေ့ကစ ဘယ်လိုမှ နို့တိုက်လို့မရတော့တာတဲ့လို့ ကြားလိုက်ရတော့ ရယ်ရမလိုလို ငိုရမလိုလိုနဲ့ သနားမိပါတယ်။

ဒါ့အပြင် ကြောင်ကြောက်ပါတယ်ဆိုတဲ့ ငါရဲ့အဖြစ်ဟာ မမရဲ့ကြောင်ကြောက်မှု့ကိုတောင် မမှီဘူးနော်။ မွေးပွအရုပ်လေးရဲ့အမွှေးအမျှင်ကိုလဲ ကြောက်တတ်သေးတယ်။ ဒီတော့ ငါ နဲ့ မောင်လေး သားသားတို့ရဲ့ စ စရာကိုဖြစ်နေတာပေါ့။ ကြောက်တတ်မှန်းသိတဲ့ မမကို ကျားသားရေနဲ့ လိုက်လိုက်ခြောက်ကြတာ ငယ်တုန်းကတော့ ပျော်ခဲ့ပေမဲ့ အခုပြန်တွေးကြည့်တော့ မမရေ..ငါ နင့်ကိုသိပ်သနားတာပဲ။ ဘယ်လောက်တောင် ကြောက်လိုက်မလဲနော်။ အဲဒီတုန်းကတော့ ကြောက်ပြီး လန့်ဖြန့်ငိုတာကို သဘောကျခဲ့မိတာ တော်တော်ဆိုးခဲ့တာပဲနော်။

သားသားကိုလဲချစ်လိုက်တာ လွန်ရော။ တစ်ဦးတည်းမောင်မို့လို့ ငါတို့လဲ ချစ်ပါတယ်။ ဒါပေမဲ့ နင်က သည်းက်ိုသည်းလွန်းပါတယ်ဟယ်။ ငါတို့ သူ့ကိုပြောရင်တောင် မခံနိုင်ဘူး။ မေ့နဲ့ နင် ဒီလောက်အလိုလိုက်နေလို့ သားသားက ဆိုးနေတာသိလား။ အဟဲ ငါက လိမ္မာတယ်လို့ ကြော်ငြာတာပေါ့။ ပညာတွေချည်းပဲ သင်နေလိုက်တာ ပညာလောဘကို ကြီးလွန်းနေတယ်နော်။ ကိုယ့်ဘာသာကိုယ် ပညာလောဘကြီးတိုင်း ငါ့ကိုလဲ အလွတ်မပေးပါလား။ တစ်ချိန်လုံး စာဆက်သင်ဖို့ပဲပြောနေတယ်။ တော်ပြီဟာ ဆက်မသင်ချင်တော့ဘူး။ အခုတောင် လေးနေပြီ။ ထပ်မထဲ့ချင်တော့ဘူး။

ငါတွေးမိတယ်။ စိတ်ထားဖြူစင်လွန်းပြီး နူးညံ့လွန်းတဲ့နင်ဟာ တကယ့်ဘ၀ထဲကို ၀င်ဖို့ဆိုတာ ဘယ်လိုမှမဖြစ်နိုင်ဘူးနော်။ ဒီတော့ မိသားစုနဲ့စာပဲ သိတဲ့နင့်ကို ငါအပျိုကြီးလုပ်ခိုင်းမယ်။ ဒါပေမဲ့ နင်က ငါဒီမထွက်လာခင်ရက်တွေမှာ ဟိုရောက်ရင် ဘယ်လိုနေထိုင်၊ ဘယ်လိုဂရုစိုက်နဲ့ အကြီးပီပီ မှာနေတာ ပြီးကို မပြီးနိုင်ဘူး။ နားငြီးလို့ အိပ်ချင်ဟန်ဆောင်လိုက်တာ မသိဘူးမလား။ နားထောင်ရင်း အိပ်ပျော်သွားတယ် မှတ်နေတယ်မလား။ အငိုသန်တဲ့နင်က ငါတောင်အိမ်က မထွက်ရသေးဘူး ငိုနေပြီ။ လေဆိပ်ရောက်တော့လဲ နင့်ကိုကြည့်ပြီး ငါတောင် မသွားချင်စိတ်တွေ ပိုပေါ်လာတယ်။ ငါက စိတ်ညစ်လို့ငိုပါတယ်။ နင့်ရှေ့ရောက်ရင် ငိုတောင်မငိုရဲသလောက်ပဲ။ ငါခံစားရတာထက် ပိုပြီးနင်က ခံစားရသလိုဖြစ်နေတော့ ငါ့မှာ မငိုရဲဘူးဟ။ နောက်အွန်လိုင်းမှာတွေ့ရင် မငိုနဲ့ ကြားလား။

မမရေ..နင့်မွေးနေ့အတွက် ငါကုသိုလ်ကောင်းမှု့ပြုပေးတယ်နော်။ စိတ်သိပ်မကောက်နဲ့။ နေကောင်းအောင်နေ။ ဟိုတခါလို ဖိနပ်လေး တချက်ချော်တာနဲ့ ခြေချောင်းလေး ကျိုးတဲ့လောက်အထိ မဖြစ်နဲ့နော်။ မွေးနေ့မှာ ပျော်ရွှင်ပါစေ။ ချစ်တဲ့မိသားစုနဲ့အတူ ဘ၀တလျောက်လုံး သာသနာအကျိုးကို ဆထက်တပိုး သယ်ပိုးဆောင်ရွက်ရင်း ပျော်ရွှင်စွာ အသက်ရှည်ရှည် နေထိုင်သွားကြရအောင်နော်။
ကျွန်မအနှစ်သက်ဆုံးသော ရှမ်းပုံပြင်လေးတစ်ပုဒ်ပေါ့။ ငယ်ငယ်လေးတုန်းကလဲ အမြဲနားထောင်ခဲ့ရသလို ဆယ်တန်းရောက်တော့လဲ သင်ခဲ့ရတယ်။ မောင်နှမများ သိပြီးသားဖြစ်ပေမဲ့ ကျွန်မသိပ်နှစ်သက်တဲ့ ပုံပြင်လေးကို ပြောပြချင်တယ်။

ခွန်ဆန်လောဆိုတဲ့ ရှမ်းလေးတစ်ယောက်ဟာ ဖခင်နဲ့ မိထွေးလက်မှာ ကြီးပြင်းလာပြီး ဖခင်သေဆုံးတော့ မိထွေးဖြစ်သူနဲ့နေထိုင်ပြီး ကုန်ရောင်းကုန်ဝယ် အလုပ်နဲ့အသက်မွေးသတဲ့။ တစ်နေ့ ခွန်ဆန်လောဟာ ကုန်ကူးရင်း ရွာလေးတစ်ရွာအရောက်မှာတော့ မောလို့ သစ်ပင်အောက်မှာ ထိုင်နားနေတုန်း သူ့နားထဲကို ပုလွေသံချိုချိုနဲ့အတူ သီချင်းဆိုသံလေးကို ကြားလိုက်ရတယ်။ အသံလေးက တအားနားထောင်လို့ကောင်းတော့ အသံပိုင်ရှင်ကို လိုက်ရှာမိတော့ တွေ့လိုက်ပါပြီ။ သိပ်ချောလှတဲ့ ရှမ်းမလေးတစ်ယောက် သီချင်းဆိုနေတာလေး တွေ့သွားတယ်။ အဲဒီ ရှမ်းမလေးနာမည်က နန်းဦးပြင်တဲ့။ ဒီလိုနဲ့ ခွန်ဆန်လောဟာ အဲဒီရွာမှာ တည်းခိုရင်း နန်းဦးပြင်နဲ့ ချစ်မိသွားကြတယ်။ နှစ်ယောက်လုံးက တစ်ယောက်ကိုတစ်ယောက် သိပ်ချစ်ကြသတဲ့။ ဒီလိုနဲ့ ခွန်ဆန်လောလဲ တခြားမြို့ရွာကို ကုန်ကူးထွက်တာပေါ့။ သူ့ရွာပြန်ရောက်တော့ မိထွေးဖြစ်သူက သူသဘောတူတဲ့ မိန်းကလေးကို ပြသတဲ့အတွက် ခွန်ဆန်လော က လက်မထပ်နိုင်ပဲ သူ့ချစ်သူကိုပဲ သစ္စာရှိခဲ့တယ်လေ။ ဒါ့အပြင် လပေါင်းများစွာကြာတော့ နန်းဦးပြင်ကိုလဲ လွမ်းတာနဲ့ နန်းဦးပြင်ရှိရာ ရွာလေးဆီပြန်လာပြီး အပြန်မှာတော့ တစ်ခါတည်း လက်ထပ်ခေါ်ဆောင်လာပါတော့တယ်။

အိမ်ရောက်တော့ မိထွေးဖြစ်တဲ့သူက လုံးဝသဘောမတူပေမဲ့ ခွန်ဆန်လောရှေ့မှာတော့ သမီးရင်းပမာချစ်ပြပြီး နောက်ကွယ်မှာ နှိပ်စက်ပါတော့တယ်။ တစ်နေ့ ခွန်ဆန်လော ကုန်ကူးသွားတော့တယ်။ မိထွေးက ခွန်ဆန်လောလဲ မရှိရော ပိုမိုနှိပ်စက်ပါတော့တယ်။ စားမဲ့ ထမင်းဟင်းခွက်ထဲမှာ အပ်တွေမြှ့ပ်ပြီး ကျွေးတာတို့ ၊ လှေကားတွေမှာ နန်းဦးပြင်ခြေရှအောင် ၀ါးနှီးတွေ ထောင်ထားတာတို့ စသည်ဖြင့် အမျိုးစုံကို နှိပ်စက်ပါတော့တယ်။ နန်းဦးပြင်ခမျာ ခွန်ဆန်လောကို ပြန်အလာကို စောင့်နေပေမဲ့ ခွန်ဆန်လောကလဲ သူ့မိထွေးနဲ့ နန်းဦးပြင် အဆင်ပြေတယ်ထင်ပြီး ဒီတစ်ခါ ခရီးသွားတာ နည်းနည်းကြာသတဲ့။ နောက်ဆုံး နှိပ်စက်မှု့ဒဏ်ကို လုံးဝမခံနိုင်တာနဲ့ မိဘနေရပ်ရွာလေးဆီကို ကိုယ်ဝန်အရင့်အမာနဲ့ ပြန်သွားပါတော့တယ်။

လမ်းခရီးမှာပဲ ရင်သွေးလေးကို မွေးဖွားလိုက်ပေမဲ့ ကလေးလေးက အသက်မရှင်တော့ သစ်ပင်ခွကြားပေါ်လေးမှာ တင်ထားခဲ့ရပြီး မိဘရှိရာရပ်သို့ ဆက်ထွက်ခွာလာရပြန်တယ်။ အဲဒီကလေးလေးဟာ ဥသြငှက်လေးဖြစ်သွားပြီး အဖေဖြစ်သူကို လိုက်ရှာပါသတဲ့။ ဒါကြောင့် မြန်မာလူမျိုးတွေနားမှာ “ဥသြ “လို့ အသံထွက်ကြားပေမဲ့ ကျွန်မတို့ ရှမ်းတိုင်းရင်းသားတွေနားမှာတော့ “ပေါ့ဝေ့ “(အဖေရေ)လို့ ခေါ်သံကြားရပါတယ်။ တကယ်လဲ ကျွန်မသေချာနားထောင်ကြည့်တာ ဒီအသံလေးအတိုင်းပါပဲ။

နန်းဦးပြင်တစ်ယောက် မိဘအိမ်အရောက်မှာတော့ နှိပ်စက်မှု့ဒဏ် ၊ ခရီးပင်ပန်းဒဏ် ၊ ရင်သွေးဆုံးရှုံးရတဲ့ဒဏ်စတဲ့ ဒဏ်ချက်ပေါင်းများစွာကြောင့် အိပ်ရာထဲလဲသွားပါတော့တယ်။ အဲဒီချိန်မှာ ခွန်ဆန်လောတစ်ယောက် ရွာပြန်အရောက်မှာတော့ အိမ်နီးချင်းတွေရဲ့ပြောပြမှု့တွေကြောင့် အကြောင်းစုံသိရပြီး ချက်ချင်းပဲ နန်းဦးပြင်ရှိရာသို့ လိုက်လာခဲ့ပေမဲ့ နန်းဦးပြင်က ဆုံးသွားခဲ့ပြီလေ။ ဒီမှာတင်ပဲ ခွန်ဆန်လောလဲ နှလုံးကွဲကြေလို့ သေဆုံးသွားပါတော့တယ်။ သူတို့နှစ်ယောက်ရဲ့မီးသဂြိုလ်ရာသို့ မိထွေးဖြစ်သူက လိုက်လာခဲ့ပြီး သူက ရှေးအဆိုအရ စုန်းကဝေအတတ်ကိုလဲ တတ်တော့ အလောင်းယှဉ်ထားတာကို ကြားကနေ ၀ါးလုံးတစ်ချောင်းခြားလိုက်တယ်တဲ့။ သေတာတောင် လိုက်ခွဲသေးတယ်နော်။ သူတို့နှစ်ယောက်ကို မီးသင်္ဂြိုလ်လိုက်တော့ မီးခိုးနှစ်ခုက ကောင်းကင်ထက်သို့တက်သွားပြီး ပေါင်းစုံမိပြီး ကြယ်လေးအဖြစ် ဖြစ်တည်သွားပေမဲ့ ပေါင်းဆုံခွင့်မရရှာပါဘူး။ သူတို့နှစ်ဦးကြား ( ကြယ်နှစ်လုံးကြားထဲ) ကြယ်တစ်လုံး ၀င်ရောက်တားဆီးနေတယ်လေ။ အခုကောင်းကင်မှာ မြင်နေရတဲ့ တချို့အခေါ်ကတော့ မောင်ရင်ဆိုင်းထမ်းကြယ်ပေါ့နော်။ တစ်ဘက်တစ်ချက်မှာ ရှိနေတဲ့ ကြယ်လေးနှစ်လုံးကတော့ ခွန်ဆန်လောနဲ့ နန်းဦးပြင်ဖြစ်ပြီး အလယ်ကတော့ မိထွေးရဲ့တားဆီးလိုက်တဲ့ ကြယ်ပေါ့။ ညမိုးကောင်းကင်မှာ ထွန်းလင်းနေပေမဲ့ အခုချိန်ထိ ဆုံဆည်းခွင့်မရှိသေးတဲ့ ခွန်ဆန်လောနဲ့ နန်းဦးပြင်ဆိုတဲ့ ဒီကြယ်လေးနှစ်လုံးကို တွေ့မိတိုင်း သနားနေရဆဲပေါ့။။။။။
တုနန် တဂ်လိုက်ပြန်ပြီ။ ခုတလော ဘာတွေဖြစ်နေတယ်ဆိုတာ သိချင်တယ်တဲ့။ အင်းးး ပြောရရင်တော့ အခုတလော အခြေအနေမကောင်းဘူး။ ကောင်းတာ တခုမှ ရှိဘူးရယ်။ ကဲ..မငုံ အခုတလော ဘာဖြစ်နေတယ်ဆိုတာ ကြည့်ရအောင်…

တွေးနေမိတာက
ဘာတွေများ သေချာလုပ်ပြီးပြီလဲ။ ( ဟိုတစ်စ ဒီတစ်စ နဲ့ ဖွထားတာတွေ အများကြီးပဲ )

ကိုယ့်ကိုကိုယ်ပြန်ဆင်ခြင်မိတာက
စိတ်အလိုတအားလိုက်နေတယ်။ ( စိတ်ထဲရှိတာ လျှောက်လုပ်ဖြစ်နေတယ်။ ကိုယ်ဘာသာကိုယ်တောင် စိတ်ပျက်လာတယ်)

ကျန်းမာရေး
၂၀၀၉ နှစ်စကတည်းက ချူချာလိုက်တာ ဆေး နဲ့ ဆရာဝန် ရဲ့ မျက်နှာတောင် မကြည့်ချင်တော့ဘူး။ :P

ဖတ်ဖြစ်တဲ့ စာအုပ်တွေက
ရှမ်းယဉ်ကျေးမှု့သမိုင်း ( တူတော်မောင်ချီခန့် ပေးထားတာလေ။ ဖတ်လဲ ဖတ်သင့်နေတယ် )

ရောက်နေဖြစ်တာက
လမ်းထိပ်က ကလေးကစားကွင်း ( ဒန်းစီးရတာကို ကြိုက်လို့်)

ရေးဖြစ်နေတာက
တဂ်ကြွေးတွေဆပ်နေတယ်။ ( ဒီတပုဒ်နောက်ဆုံးပဲ )

နားထောင်ဖြစ်နေတာက
cry on my shoulder ( ကိုယ်ဘာသာကိုယ် နှစ်သိမ့်နေတာပါ )

ရွတ်နေမိတဲ့ ကဗျာက
မရွတ်ဖြစ်ပါဘူး။ ( သီချင်းတော့ လိုက်အော်နေမိတယ်)

ဖြစ်ချင်နေတာက
အိမ်စောင့်နတ် ( ဒါဆို ကိုယ်ချစ်တဲ့အိမ်မှာ အမြဲနေရမယ်နော်)

စားဖြစ်နေတတ်တာက
မစားချင်လဲစား ၊ စားချင်လဲစားနေရတဲ့ မိသားစုမပါ ထမင်းဟင်းပွဲ

သနားနေမိတာက
သူဌေးအပါအ၀င် ၀န်ထမ်းတယောက်မှ မရှိတဲ့ ရုံးခန်းမှာ ထိုင်နေတဲ့ မိန်းကလေးတယောက်

လွမ်းနေမိတာက
မိသားစု ( တအားကိုလွမ်းနေတာ)

မေ့လျော့ပစ်မိနေတာက
အသက်ကို ကံ တင်မကဘူး။ ဥာဏ်ပါစောင့်တယ်ဆိုတဲ့ စကား ( အခုချိန်ထိတော့ ကံကောင်းနေသေးတယ်။ ဘာမှမဖြစ်သေးဘူး )

ခါးသက်နေမိတာက
နွေးထွေးမှု့မရှိတဲ့ အရပ်ဒေသမှာ နေနေရတာ ( ဘာတခုမှ မက်မောစရာမရှိပဲ နေနေတာ အံ့သြလာပြီ)

တမ်းတနေမိတာက
နွေးထွေးတဲ့ ရင်ခွင် (အမေ ၊ အမတွေကို ဖက်ပြီး အားရပါးရ ငိုချင်နေတယ်)

ကြိတ်ပြီးချီးကျူးနေမိတာက
မေတ္တာတရားနဲ့ နေနိုင်တဲ့သူတွေ ( ကိုယ်က မေတ္တာထက် အတ္တတွေများနေတယ်)

ကြိတ်ပြီးအထင်သေးနေမိတာက
အကြင်နာကင်းပြီး ငါမှငါသမားများ ၊ ကိုယ့်အကျိုးပဲကြည့်တဲ့လူစားများ ( ကိုယ်တောင် ပါဝင်နေသလားလို့ အလန့်တကြား ပြန်တွေးနေမိတယ် :D )

ဆန္ဒမရှိတဲ့နေရာ
ဒူဘိုင်း ( မရှိလဲ နေနေရတယ် )

ဆန္ဒရှိနေတဲ့ ကိစ္စ
ပင်လောင်းပြန်ပြီး အိမ်မှာ မိသားစုနဲ့ အားရပါးရရယ်မောချင်တယ် ( ဟက်ဟက်ပက်ပက်မရယ်ရတာကြာနေပြီ။ လူကစက်ရုပ်ဖြစ်နေပြီ)

ချစ်နေတာက
Laptop ပိစိကွေးလေး နဲ့ Wireless Network ( အဲဒါတွေရှိနေလို့ ကိုယ်ချစ်တဲ့သူတွေနဲ့ တွေ့နေရတာ)

စိတ်ပျက်နေမိတာက
ပြန်လာတိုင်း ကြိုဆိုနေတဲ့ နှစ်ထပ်ကုတင် ( အိမ်ထဲဝင်ရမှာတောင် ကြောက်လာတယ်)

စွဲလန်းနေမိတာက
Facebook က Farm Ville နဲ့ တခြားဂိမ်းတွေထဲပဲ စိတ်ရောက်နေတယ်။ ( စိတ်ကြိုက်ကို ချယ်လှယ်စိုက်ပျိုးနေပါတယ်)

လိုအပ်နေတာက
နွေးထွေးမှု့ ( အသက်မပါတဲ့ လူတွေမျက်နှာကို ကြည့်ရတာများလာလို့ တအားလိုအပ်နေတယ်)

တောင်းနေမိတဲ့ဆု
၂၀၁၀ ဧပြီ မြန်မြန်ရောက်ပါစေ ( ခွင့်နှစ်လ ရမှာမို့လေ)

ထပ်ပြန်တလဲလဲ အော်ဟစ်နေမိတာက
အားးးးးးးးးးးးးးးးးးး

ဝန်ခံချင်တာက
ဘာတခုမှ ဖြစ်မြောက်အောင် မလုပ်သေးဘူး။ ချမှတ်ထားပြီး မလိုက်နာနိုင်သေးဘူး။ ( တခြား ၀န်ခံစရာတွေ အများကြီးရှိသေးတယ် :D )

ကဲ တုနန် မငုံတစ်ယောက် အခုတလော အလုပ်ကြီးအကိုင်ကြီးတွေ လုပ်နေပါတယ်။ ရေးရင်းနဲ့တောင် တော်တော် ဆိုးဝါးနေပါလားဆိုတာ ပိုပိုသိလာတယ်။ အင်းးးးပြင်ရဦးမှာပါလားနော်။ ပြောပြန်ပြီ။ ပြီးတော့လဲ ဒုံရင်းပဲ :D
ဦးလူထွေးအိမ်မှာ ကောမန့်အပေးကောင်းလို့ သိမ်းကြုံတဂ်တဲ့အထဲ ပါဝင်သွားတယ်။ လေးစားရတဲ့ သူရဲကောင်းတွေကတော့ အများကြီးပဲ ဦးလူထွေးရ ။ ရှေးရှေးပဝေသဏီကနေစတာပေါ့။ အစက ကျွန်မ ၀န်းသိုစော်ဘွားကြီးအကြောင်းရေးဖို့ စိတ်ကူးထားပေမဲ့ လိုအပ်တဲ့ အချက်အလက်တွေအတွက် အခက်အခဲ ရှိခဲ့တယ်။ ကျွန်မရဲ့မောင်လေး ခွန်ဖ( ယမကာလုလင်) နဲ့ တူတော်မောင် ချီခန့် (ငပျင်းလေး) တို့ကို အပူကပ်နေရတာ။ နောက်ဆုံးမှာတော့ အနုပညာလောကမှာ ကျွန်မတို့ ရှမ်းတိုင်းရင်းသားတွေသာမက မြန်မာတစ်နိုင်ငံလုံးက အသိအမှတ်ပြုထားရတဲ့ တေးရေးဆရာ ဦးစိုင်းခမ်းလိတ်အကြောင်း ရေးဖို့ ရွေးလိုက်ကြတယ်။

တေးရေး ဆရာ ဦးစိုင်းခမ်းလိတ်ကို ၁၉၄၉ ခု ဧပြီလ ၂၇ ရက်နေ့မှာ သိန္နီ စော်ဘွားကြီးရဲ့ အမတ်၊ ရှမ်းစာဆိုတော် လုံးခမ်းကာ နဲ့ ပါစိန်ဥတို့ရဲ့ သားသမီး ၄ ယောက်အနက် ဒုတိယ သားကြီး အဖြစ် သိန္နီမြို့ ဟိုတဲန့်ရပ်ကွက်မှာမွေးဖွားခဲ့ပါတယ်။ ၁၉၇၁ မှာ ဒေါက်တာဒေါ်နွဲ့နွဲ့တင်နဲ့ လက်ထပ်ပြီး သားသမီး ၄ ယောက်ထွန်း ကားခဲ့ပါ တယ်။ ၁၉၇၆ မှာ M.B.B.S ဆရာဝန်ဘွဲ့ကိုဆွတ်ခူးရရှိခဲ့ပါတယ်။ ဆရာဦးစိုင်းခမ်းလိတ် ဟာ ရိုးသားကြိးစား သူတယောက်ဖြစ်ကာ တော်တော်လေး စာဖတ်တဲ့သူ တစ်ယောက်ဖြစ်ပြီး သူ့ရဲ့ ဆေးကျောင်းက တက္ကသိုလ်ဆရာတချို့ ကတောင်သူ့ဆီ စာအုပ်တွေ ပြန် ငှားဖတ်ရတယ်လို့ သိရပါတယ်။

ဆရာဦးစိုင်းခမ်းလိတ်ဟာ ၁၉၆၅-၆၆ ကတည်း က တေးသီချင်းများကို စတင်ရေးစပ်ခဲ့ပါတယ်။ တေးသီချင်းတွေအမြောက်အများရေးစပ် သီကုံးခဲ့တယ်။ မန္တလေးရောက်ရှမ်းတယောက် သီချင်းနဲ့ မြန်မာတပြည်တခုလုံးသာမက တိုင်းရင်းသားတွေကြားမှာ နာမည်ကြီးခဲ့တယ် လို့လဲ သိရှိရပါတယ်။

ဆရာဦးစိုင်းခမ်းလိတ် ရေးသားခဲ့တဲ့ တေး အပုဒ်ရေ ၁၀၀၀ ကျော်အနက် အင်္ဂလိပ်တေးသီချင်း ၃၅ ပုဒ်၊ မြန်မာ တေးသီချင်း အပုဒ်ရေ ၅၀၀ ၀န်းကျင်နဲ့ ရှမ်းတေးတွေအများအပြားရေးသားတဲ့အတွက် ပင်လုံမြို့ ပရိယတ္တိသဒ္ဓမ္မပါလပိဋိကတ် ရှမ်းဘာသာပြန် ကျောင်းတိုက် နှစ် ၅၀ ပြည့် ရွှေရတုသဘင်အခမ်းအနား ကျင်းပရေး ကော်မတီက သျှမ်းစာဆိုကျော်အဖြစ် ဂုဏ်ပြု ချီးမြင့်ထားပါတယ်။

ဆရာဦးစိုင်းခမ်းလိတ်ရေး သီချင်းတွေထဲမှာ ကျွန်မ နှစ်သက်တဲ့သီချင်းတွေ အများကြီးပဲ။ အဲဒီအထဲမှ အနှစ်သက်ဆုံးသီချင်းကတော့ သဘာဝ ဆိုတဲ့ အဲဒီသီချင်းပဲ။ တော်တော်လေးကောင်းတယ်။ စာသားတွေလဲ အဓိပ္ပါယ်ဖွဲ့စည်းတာ လှတယ်။ လေးနက်တယ်။ ကျွန်မငယ်ငယ်ကဆို ဦးထီးဆိုတာနဲ့တင် ဆရာဦးစိုင်းခမ်းလိတ်ကိုပါ တခါတည်းတွဲမြင်လာတယ်။ ဆရာဦးစိုင်းခမ်းလိတ်က ရှမ်းပြည်အလှအပ၊ လူနေမှုဘ၀ ဖေါ်ဆောင်တဲ့တေးတွေလဲ အများအပြား ရေးသားခဲ့တယ်။ ဂီတအနုပညာကဏ္ဍမှာ တောင်ပေါ် ရှမ်းတိုင်းရင်သားတွေအတွက် စံပြပုဂ္ဂိုလ်အဖြစ် အသိအမှတ်ပြု ဂုဏ်ယူခံရတယ်။


ဝန်ခံချက် ၊ ၊ ဒီပိုစ့်အတွက် ကျွန်မက စာဖတ်ပြီး ရေးရုံသာဖြစ်ပါတယ်။ ဒီအချက်အလက်များကို သျှမ်းသံတော်ဆင့်မှ ရယူထားခြင်းဖြစ်ပါတယ်။ လိုအပ်တဲ့ အချက်အလက်အားလုံးကို ရှာဖွေပေးတဲ့ ခွန်ဖ( ယမကာလုလင်) ကိုကျေးဇူးတင်ပါတယ်။ ဒီအချက်အလက်များကို သျှမ်းသံတော်ဆင့်မှ ရယူထားခြင်းဖြစ်ပါတယ်။
ရီနိုမာန် က အကြွေးစာရင်းစာအုပ်ကြီးနဲ့ တောင်းနေပြီ။ ရီနိုမေးသလိုပဲ လူတိုင်းမှာ မူလတန်းကနေ အထက်တန်းအထိ အမှတ်တရပေါင်းများစွာနဲ့ပါပဲ။ ဒီထဲမှာမှ ဆုလာဒ်အဖြစ်ရရှိခဲ့သလို ၊ ဆူးစူးခဲ့ရတာတွေလဲ ရှိခဲ့ပါတယ်။

ပထမဆုံး ဆုအနေနဲ့ပြောရရင်တော့ ကျွန်မက ပင်လောင်းမြို့ အထက်တန်းကျောင်းမှာ မူလတန်းကနေ အလယ်တန်းအထိ ကျောင်းတက်ခဲ့တယ်။ ငယ်ငယ်ကတော့ စာတော်တဲ့စာရင်းထဲမှာပါခဲ့တယ်။ အဆင့် တစ် ၊ နှစ်ကနေ မဆင်းဘူး။ ကျွန်မနဲ့ နန်းခမ်းမွန်ဆိုတဲ့ သူငယ်ချင်းနှစ်ယောက်ပဲ တစ်လှည့်စီ ယူနေကြတာ လေးတန်းအထိပေါ့။ သူက အဆင့်တစ်ရလိုက်၊ ကျွန်မ က ရလိုက်နဲ့ တစ်လှည့်စီယူနေပေမဲ့ နှစ်ယောက်စလုံး စိတ်ထဲမှာ ဘာမှရှိမနေပါဘူး။ စာပြိုင်ဖက် ဘာညာဆိုတာမရှိပါဘူး။ ကျွန်မတို့နှစ်ယောက်က ကစားအတူ ၊ စာကျက်အတူပါပဲ။ ကျွန်မထင်တယ်။ ကျွန်မတို့မြို့က ကလေးတွေက ပြိုင်ဆိုင်မှု့တွေ ဘာတွေမလုပ်တတ်ကြဘူး။ သူစာတော်လို့ဆိုပြီး မနာလိုဖြစ်နေတာတွေ ဘာတွေလဲမရှိဘူး။ အားလုံး ချစ်ချစ်ခင်ခင်ပဲ။ ဒါက ကျွန်မတို့လက်ထက်တုန်းကလေ ။ အခုတော့ မသိပါဘူး။ ဒီလိုနဲ့ အလယ်တန်းကျောင်းသူဘ၀ရောက်တော့ နန်းခမ်းမွန်က ရန်ကုန်ကို ပြောင်းသွားတယ်။ ဒီလိုနဲပဲ ကျွန်မတယောက် အလယ်တန်းကျောင်းသူဘ၀ကို ပညာသင်တော့ ခဏကလိုပဲ အဆင့် တစ်၊ နှစ်နဲ့ပဲ ကျောင်းတက်ခဲ့တယ်။ နောက် ကျွန်မတို့ အထက်တန်းကျောင်းကို အလယ်တန်းကျောင်းအဖြစ် သတ်မှတ်လိုက်ပြီး ကျောင်းအသစ်တစ်ကျောင်းကို အထက်တန်းကျောင်းအနေနဲ့ သတ်မှတ်လိုက်ပါတယ်။ ရီနို တက်ခဲ့တာ အဲဒီ အထက်တန်းကျောင်းသစ်ပါ။ ကျွန်မကတော့ မတက်ဖူးလိုက်ပါဘူး။ အထက်တန်းကျောင်းသူဘ၀ကိုတော့ တောင်ကြီး အ.ထ.က (၅)မှာ တက်ခဲ့ပါတယ်။ ဒီတခါတော့ နယ်မြို့လေးကကျွန်မ တောင်ကြီးက လူတွေကို မယှဉ်နိုင်ခဲ့ဘူး။ စာတော်တယ်ဆိုတဲ့အဆင့် ၊A အခန်းမှာ နေရတဲ့ အဆင့်ပါပဲ။ တစ်နှစ်သုံးဆိုတာ ကျွန်မ မရခဲ့တော့ဘူး။

ကျွန်မရဲ့ကျောင်းသားဘ၀မှာ ဆုနဲ့ပက်သက်တဲ့ ထူးထူးခြားခြား အောင်မြင်မှု့ဆိုလို့ ကျွန်မ အစိုးရစစ်ကို မီလိုက်သေးတယ်။ မူလတန်း ( လေးတန်းကျောင်းသူ) မှာပါ။ ရှမ်းပြည်နယ်တစ်ပြည်လုံးမှာ ပထမဆုကိုရခဲ့တာ ဒါလေးတစ်ခုပဲ အောင်မြင်မှု့စိုက်ခဲ့နိုင်ပါတယ်။

ဆူးစူးခဲ့တာတော့ မရှိခဲ့ဘူး။ ဒါပေမဲ့ ကျွန်မကိုယ်တိုင် စူးလိုက်တာလေးကိုပဲ ပြောပြမယ်။ ကျွန်မ စာပေးကူးကောင်းပုံလေးပါ။ သင်္ချာဆရာပေါ့။ အိမ်စာတွေအများကြီး ပေးလိုက်တယ်။ အဲဒီဆရာက စာသိပ်မစစ်လိုဘူး။ ဆိုတော့ ကျောင်းသားအတော်များများကလဲ အပြီးမလုပ်ကြတာများတယ်။ တစ်ရက်မှာတော့ ဆရာက သူ့အချိန်မရောက်ခင် အခန်းပြင်ကနေ အော်သွားတယ်။ ဒီနေ့စာအုပ်စစ်မယ်တဲ့။ အားလုံးပြူးတူပြာတာ ဖြစ်ကုန်ရော။ ဒါပေမဲ့ ကျွန်မကတော့ အေးဆေးပေါ့။ အိမ်စာအားလုံးပြီးပြီးသားဆိုတော့။ ပြောရရင် ကျွန်မနဲ့ သုံးလေးယောက်ကလွဲ တခန်းလုံးက စာမလုပ်ထားတဲ့သူများနေတယ်။ တစ်ချို့ကလဲ ပုစ္ဆာနားမလည်တာနဲ့ မတွက်ရသေးတာ၊ စာတစ်ချို့မရှိတာ များတာပေါ့။ ဆရာ့ကို မေးချိန်လဲမရတော့ဘူးလေ။ ရှေ့ချိန်က သမိုင်းဆရာမချိန်။ ဆရာမက တကယ်သဘောကောင်းတာ။ အေးလဲတအားအေးတယ်။ အားလုံး စိတ်ပူနေမှန်းသိလို့ စာဆက်မသင်ပဲ ပြီးအောင်တွက်ကြဆိုပြီး လွှတ်ထားပေးလိုက်တယ်။ ကျွန်မစာအုပ်ကတော့ ရောင်းကောင်းတော့တာပေါ့။ အားလုံးစုပြီး ကူးကြတယ်။ ဒီလိုနဲ့ နောက်တချိန်လဲ ရောက်ရော ဆရာက တုတ်ကြီးတစ်ချောင်းနဲ့ ရောက်လာပါတော့တယ်။ ဆရာက စင်ပေါ်ကနေ “ ကဲ စာမပြီးသေးတဲ့သူ ရှိသလား။” မေးတယ်။ အားလုံးက ကြောက်ပြီး မဖြေကြဘူး။ စာအုပ်တွေ အကုန်လာထပ်ခိုင်းပြီး တစ်အုပ်ပြီးတစ်အုပ် လှန်ကြည့်တော့ အတော်များများက ကျွန်မဆီက ကူးတာဖြစ်လို့ တူနေတာပေါ့။ ဒေါသတွေ ပေါက်ကွဲကုန်တာပါပဲ။ “တွက်တာတွေက အားလုံးတူနေတယ်။ ဘယ်သူက ဘယ်သူ့ဆီ ကူးကြတာလ”ဲ ဆိုပြီးအော်တော့တာပဲ။ နောက်ဆုံး စစ်ရင်း ကျွန်မစာအုပ်ကနေ ဖြစ်နေတော့ တခန်းလုံးကို တုတ်နဲ့ လက်ဝါးကို သုံးချက်ရိုက်တော့တာပါပဲ။ ဘယ်သူထိပ်ဆုံးအရိုက်ခံထိလဲသိလား ။ ကျွန်မပေါ့။ ကျွန်မက ပေးကူးတဲ့သူမို့ အပြစ်ပိုများတယ်ဆိုပြီး ငါးချက်ရိုက်ခံခဲ့ရတယ်။

ကဲ.ကျွန်မရဲ့ ဆုနဲ့စူးကတော့ ဒီလောက်လေးပါပဲ။ ရီနိုရေ ကျေနပ်တယ်နော် ။