ပန်းတစ်ပွင့်

ပင်ယံထက်ကြား ဖူးနုသစ်ငယ်

ပွင့်ရန်ရည်သန် စိတ်ကူးမှန်လို့

နေမင်းရောင်ခြည် စွမ်းအားယူသည်

ရေကြည်ပက်ဖြန်း ဖျားနှားခိုသည် ။

ငါ့တာဝန်က ဘာလဲ။ ငါ့တာဝန်က ပန်းတစ်ပွင့် အဖြစ် ပွင့်လန်းလာဖို့ မဟုတ်လား။ ဒီအပင်မှာ တခြား အဖူးလေးတွေ အပြိုင်အဆိုင် ပွင့်လန်းနေပြီ။ ငါ့လဲ ပွင့်လန်းသင့်နေပြီ။ ပွင့်လန်းဖို့ နေရောင်ခြည်ဒဏ် ခံနိုင်ရမယ်။ သူ့ရဲ့နွေးထွေးတဲ့ အပူလေးကို ခံယူရမယ်။ နောက် ရေလဲ လိုအပ်တာပဲ။ ဒီတခါ ရေပက်ဖြန်းလာရင် ငါမရှောင်ပုန်းတော့ပဲ အလိုက်သင့် ခံယူဦးမှ။




နုနှယ်ဖြူလွ တုမရပြီ

ချိန်ခါရောက်လို့ ပွင့်အားယူသည်

သန့်ရှင်းမွှေးပျံ့ သင်းထုံလေပြီ

ကြွေနွမ်းမတိုင် သူ့တာဝန်ကြား

ငွားငွားစွင့်စွင့် စွမ်းကုန်ပွင့်ပြီ ။

ဒီနေ့ဟာ ငါပွင့်လန်းဖို့ အချိန်ရောက်ပြီ။ လောက သဘောသဘာဝအရ ငါတို့ဟာ ဖူး မယ်။ ပွင့်မယ်။ ပြီးတော့ ကြွေမယ်။ ဒီတော့ မကြွေခင် အစွမ်းကုန် ပွင့်လန်းပြီး ကိုယ်တတ်နိုင်သလောက်လေး ရနံ့မွှေးများနဲ့ အမောပြေစေချင်သေးတယ်။


ပန်ဆင်ထိုက်သူ မျှော်ရင်းစောင့်စား

ချိန်တန်တော့လဲ လေမင်းကျီစယ်

ချူလေတော့သည် ရော်ရီညှိုးနွမ်း

ရနံ့မပြယ် ကြွေပြလေသည်။

သြော်..ကြည့်စမ်း တစ်ချို့ပန်းကလေးများ ပွင့်လန်းတော့ ပန်ဆင်ထိုက်သူတွေက ခူးယူပြီး ပန်ဆင်ကြတော့ ဆံမျှညှာထက်မှာ ၀င့်ကြွားနေကြပါလား။ ပန်ဆင်သူ အလှတိုးအောင် သူ့တာဝန်ကို ဆောင်ရွက်နေကြပါလား။ ငါ့ကို ပန်ဆင်မဲ့သူ ဘယ်အချိန်ရောက်လို့ လာမလဲနော်။ ဟော…လာနေပြီ။ ဒါပေမဲ့ သူခူးဆွတ်သွားတာ ငါမဟုတ်ပါလား။ ဘာဖြစ်ဖြစ် စောင့်နေဦးမယ်။ တကယ့်ပန်ဆင်ထိုက်သူ ပေါ်လာလိမ့်မယ်။ ပန်ဆင်ခံရတဲ့ ပန်းလေးတွေ..နင်တို့ ပျော်ရဲ့လား။ တစ်ချို့က ဒီလိုဖြေတယ်။ ပန်ဆင်ပြီး ညှိုးနွမ်းတာနဲ့ ဒီအတိုင်း စွန့်ပစ်သွားတယ်။ တစ်ချို့ကျတော့လဲ မညှိုးနွမ်းခင်ချိန်လေးမှာ ဆံမျှညှာထက်က ပြုတ်ကျလို့ လမ်းလေးပေါ်မှာ ကျန်နေရစ်ရတယ်။ ပျော်ရွှင်မှု့တန်ဖိုးလေး ရသူကတော့ ယွန်းဘူးလေးထဲမှာပေါ့။ ပန်းပွင့်တိုင်း ခံယူရတဲ့ တန်ဖိုးလေးက မတူညီကြပါလား။ ပန်ဆင်သူမဲ့လို့ ဒီအတိုင်း ကြွေလွင့်ရပြီး လမ်းလေးပေါ်မှာ နင်းလျှောက်သူ အများအပြားကြား ကျေနပ်စွာ ခံယူပြီး နွမ်းကြွေရတဲ့သူလဲ အများသားပါလား။ ငါလဲ ဘာဖြစ်လာမလဲ။

ဒီနေ့ နေလို့မသာ ငြိုးငယ်နေပါလား။ နေမင်းရဲ့တောက်လောက်မှု့ကလဲ ပြင်းပြလိုက်တာ။ ကြည့်စမ်း လေနုအေးလေး သွေးနေတာတောင် ညှာတံငယ်က လှုပ်ခါရမ်းနေတော့ ဒီနေ့ ငါမြေခရပေတော့မယ်။ မြေခသည့်တိုင် ရနံ့လေး မပြယ်စေပဲ ကြွေပြလိုက်မယ်။ နောက်ဆုံးချိန်ထိ ပန်းတစ်ပွင့်ရဲ့ တာဝန်ပေါ့။

ပုံများကို google serach မှ ရှာဖွေတင်ပြထားပါသည်။

နိစ္စဒူဝအပိုင်းအစများ

နံနက်မိုးသောက် အလင်းရောက်ချိန်မှာ good morning ဆိုတဲ့စကားနဲ့အတူ နှုတ်ဆက်စကားဆိုရင်း နိုးထစေတဲ့ ချစ်တဲ့သူရဲ့ တနေ့တာ နိစ္စဒူဝ စတင်ဆောင်ရွက်ရန် နိုးလိုက်မှု့နဲ့အတူ မနက်ခင်းလေး ပြီးပြည့်စုံသွားတယ်။ ဘ၀အတွက် အလုပ်ကြိုးစားရန် Dateသီးပင်များ တစ်ဘက်တချက်ကြားထဲမှ အရိပ်ရပြီး အေးဆေးငြိမ်သက်စွာ လမ်းလျှောက်နိုင်တဲ့ ကွန်ကရစ်လမ်းလေးအတိုင်း လှမ်းရင်း တနေ့တာအတွက် လှုပ်ရှားသွားလာနေကြတဲ့ လူတွေကို စတင်ကြုံတွေ့ရပြီ။

မနက်ခင်းဆိုပေမဲ့ ကန္တာရနေရဲ့ အပူရှိန်က တောက်လောင်နေလိုက်တာနော်။ တစ်ချိ်ု့မှာ မပြီးပြတ်သေးတဲ့ မှတ်တိုင်ရှိ ဘတ်စ်အိမ်လေးကြောင့် ပူပူလောင်လောင် နေရောင်အောက်မှာ ဆယ်မီနစ်တစ်စီးဆိုပေမဲ့ မီနစ်နှစ်ဆယ် ကြာညောင်းချင်ရင်လဲ ကြာနေတတ်တဲ့ ဘတ်စ်ကား အလာလမ်းကို ရုံးချိန်အမှီရောက်ရန် ယာဉ်ကြောမပိတ်ရန် ဆုတောင်းရင်း မျှော်ငေးနေရတာများ မနက်ခင်းဆိုပေမဲ့ အားလုံးရဲ့ မျက်နှာမှာ နေထိပန်းမို့ ညှိုးနွမ်းနေတယ်လေ။ ဒီကြားထဲ ကိုရွှေဒရိုင်ဘာများက ဆယ်မီနစ်ခရီးကို ရွာက လှည်းအလား မောင်းနေလိုက်တာ ဆယ်ငါးမီနစ် မီနစ်နှစ်ဆယ်လဲ ကြာတတ်သေးတယ်။ ယာဉ်ကြောတာပိတ် ပိုလို့သာ ဆိုးပေတော့တယ်။ မြန်ချင်တော့လဲ မိုင်ကုန်မောင်းလိုက်တာများ တစ်ချက်မှ အရှိန်မလျော့ပဲ မီးပွိုင့်နားရောက်မှ မလွတ်တော့မှ ရူတ်တရက် ဘရိတ်အုပ်လိုက်တာများ မကြာမီနှစ်အတွင်းမှာ ဒူဘိုင်းဆိုတာ ကမ္ဘာပေါ်မှာ ယာဉ်တိုက်မှု့အဖြစ်ပွားဆုံး မြို့လေးဖြစ်လာနိုင်ပါတယ်။ ဒီလို အရှိန်မလျော့ ကားကို မိုင်ကုန်မောင်းတာကို ခွင့်ပြုတာ ဒီမြို့လေးပဲရှိတယ်ထင်ပ။ ကိုယ်ဆင်းမဲ့ မှတ်တိုင်မရောက်မီ stopကို နှိပ်လိုက်ပေမဲ့ စိတ်ကူးတွေ ရွက်လွင့်နေတဲ့ ဒရိုင်ဘာကြောင့် နောက်တမှတ်တိုင်ရောက်မှ ဆင်းရပြီး ရုံးနဲ့ မှတ်တိုင် အေးအေးဆေးဆေး လျှောက်ရင်တောင် သုံးမီနစ်လောက်သာ ကြာတဲ့လမ်းကို ဆယ်မီနစ်နီပါး မှတ်တိုင်ကွာခြားမှု့ကြား စိတ်ပျက်စွာ နောက်ကြောင်း ပြန်လျှောက်ရပေဦးမယ်။ sorry ဆိုတဲ့ စကားလေးတခွန်းပဲ ဆိုပေမဲ့ စိတ်အနှောက်အယှက် ဖြစ်သွားရတယ်လေ။ နံနက်ခင်းရဲ့ ကြည်လင်သာယာမှု့က တနေ့တာအတွက် အားဖြစ်စေသလို မိုးလင်းတာနဲ့ စိတ်အနှောက်အယှက်ဖြစ်ရလို့က တနေ့တာအတွက် စိတ်ရှုပ်စရာနဲ့ မျက်နှာမကြည်မသာ ဖြစ်ရတာပေါ့။

လုပ်ငန်းတာဝန်များ စတင်ဖို့ ရုံးခန်းအရောက်မှာတော့ complainဆိုတဲ့ စကားသံကို အရင်ဆုံးကြားရတယ်။ လူတွေများ တယ်ပြီး တက်နိုင်လိုက်တဲ့ complainတစ်နေ့တစ်မျိုး မရိုးစေရဘူး။ လုပ်ငန်းခွင်နဲ့ ရုံးဆိုတာ တစ်နေရာစီဆိုတော့လဲ လုပ်ငန်းခွင်ရှိရာကို ဖုန်းဆက်ပြီးပဲ မေးမြန်းနိုင်တယ်။ အကောင်းဆုံး ပြန်လည်ဖြေရှင်းပေးတယ်။ ဒါကို မကျေနပ်ချင်းများစွာနဲ့ လိုင်းပေါ်ကနေ non-stop ပြောဆိုနေလိုက်တာများ ဘယ်လောက်များ ပူလောင်နေလိမ့်မလဲနော်။ ကိုယ်ချင်းစာနားလည်ပေး အကောင်းဆုံး ဆောင်ရွက်ပေးပေမဲ့ ဘာလို့များ မကျေမနပ်ဖြစ်နေရတာလဲ မသိပါဘူး။ ဥုံ ဆိုပြီး ချက်ချင်းလက်ငင်း ပြီးစီးစေလို့ရတာမှ မဟုတ်တာ။ အသေးအဖွဲလေးများကို ပုံကြီးချဲ့ ချဲ့ကားနေတဲ့ complainများကို နိစ္စဒူဝတွေ့နေရတော့ စိတ်မသက်သာရပါလားနော်။ complain များ ၊ စာရင်းများ ကြား နှစ်မြှ့ပ်ပြီး ကြိုးစားရတာပဲလေ။ သူ့ဆန်စားမှတော့ ရဲရပေတော့မပေါ့။ ချစ်ရတဲ့သူထံမှ ရောက်ရှိလာတဲ့ မက်ဆေ့တွေက အနားမှာ နေပြီးအားပေးသလို ခံစားရတော့ ဖြေသိမ့်စရာ ရှိသေးတာပေါ့။တိုးတက်ခေတ်မီလွန်းလေ လူတွေရဲ့ ကိုယ်ချင်းစာ တရားခေါင်းပါးလေ ဆိုတာ သိပ်မှန်တာပဲ။ တိုးတက်လမ်းအတွက် ကြိုးစားလုပ်ဆောင်နေသူများကြား တွန်းတိုက်ပြီး ကျော်တက်နေရာယူဖို့ ၀န်မလေးတဲ့ လူများ ၊ ၀န်ထမ်းအပေါ် မိသားစုမရှိတဲ့ လူများအမှတ် ၊ ပေးထားတဲ့ လစာနဲ့ အင်မတန်လောက်ငပြီး ပိုလျှံနေတယ်ထင်ပြီး လစာပေးဖို့ မေ့လျော့နေတဲ့ အလုပ်ရှင်များလဲ ဒီ နိစ္စဒူဝမှာ ပူလောင်စွာ ဆောင်ရွက်နေကြတယ်လေ။

ညနေဘက်ရုံးဆင်းချိန်လေးမှာတော့ တနေ့တာ နိစ္စဒူဝဆောင်ရွက်ပြီးလို့ အိမ်အပြန်လမ်းလေးမို့ အားလုံးးက မနက်ကန္တာရ နေရောင်မှ တွေ့မြင်လိုက်ရတဲ့ မျက်နှာများနဲ့မတူ ပင်ပန်းနွမ်းနယ်နေပေမဲ့ ကြည်လင်နေတယ်။ ကန္တာရအပူရှိန်ကလဲ တဖြည်းဖြည်းနဲ့တော့ အလိုက်သိလျော့ပါးပေးတော့ ကြာညောင်းစွာ လှမ်းလာနေတဲ့ ဘတ်စ်ကားကို စောင့်ဆိုင်းနေပေမဲ့ နားခိုရာ အိမ်အပြန်လမ်းမို့ တက်ကြွရွှင်လန်းနေတယ်။ ကိုယ့်နားခိ်ုရာ ကိုယ်စီလေးမှာ အမောပြေစေတဲ့ နှုတ်ခွန်းဆက် စကားနဲ့အတူ ကိုယ်ချစ်တဲ့သူတွေ စောင့်နေတယ်လေ။ တစ်ယောက်နဲ့တစ်ယောက် တနေ့တာ ကြုံတွေ့ရတာတွေကို နားလည်စွာ နားထောင်ပေးတော့ တနေ့တာများက ရေထိတဲ့ကြာပန်းလေးလို့ လန်းနေရပြန်ရောပေါ့။ ချစ်တဲ့သူရဲ့ နောက်တနေ့အတွက် အားအင်ဖြစ်စေမဲ့ အပြုံးနဲ့အတူ အိပ်တော့နော် ဆိုတဲ့ နှုတ်ဆက်စကားနဲ့ တနေ့တာလေးကို နှုတ်ဆက်ရပြန်တယ်။

နှစ်သက်မိတဲ့ အိမ်လေးများ

မောင်ငယ်လေး အဆိပ်ခွက်တဂ်လိုက်တာပါ။ (၅)ခုထဲလားလို့ မေးချင်တယ်။ ဘယ်လိုလုပ်ရပါ့။ ကျွန်မနှစ်သက်တဲ့ အိမ်လေးတွေ အများကြီးပဲ။ အိမ်တိုင်းလိုလိုကို သဘောကျတယ်။ တစ်ချို့အိမ်ဆို ၀င်သွားတာနဲ့ ပျော်ရွှင်မှု့ခံစားရသလို ၊ တစ်ချို့အိမ်လေးကျတော့ နွေးထွေးနေတယ်။ ဗဟုသုတဖြစ်ဖွယ်တွေ ၊ ရယ်စရာ ၊ ပျော်ရွှင်စရာ ၊ ၀မ်းနည်းစရာတွေကို အားလုံး အတူတူမျှဝေခံစား ပေးလို့ရတဲ့ ဒီအိမ်လေးတိုင်း အားလုံးလိုလိုကို လည်ပတ်ရောက်နေဖြစ်တယ်။ ခြေရာလေးမချန်ထားလိုက်မိပေမဲ့ ကြိုက်နှစ်သက်တဲ့ အိမ်လေးတွေလဲ ရှိတယ်။ ဒီအထဲမှ (၅)ခုတည်းဆိုတော့ …..

(၁) ဓမ္မရသ

မြတ်ဘုရားရဲ့ဆိုဆုံးမတွေ ၊ ဆရာတော်ကြီးများရဲ့ တရားတော်တွေ မိန့်ကြားချက်တွေကို ကျမ်းအကိုးအကားနဲ့ ပြည့်ပြည့်စုံစုံ ဖော်ပြလေ့ရှိတဲ့ အိမ်လေးပေါ့။ တစ်ချို့ပိုစ့်လေးတွေကို ပုံပမာနဲ့ တင်ပြသွားတာ ကောင်းတယ်။ ဖတ်ရတာ ရှင်းနေတယ်။

(၂) SONATA CANTATA

မြတ်ဘုရား ဟောကြားတဲ့ တရားတော်များကို ကျွန်မဆိုရင် အတော်များများကို ပါဠိလိုသာ ရွတ်ဖတ်တတ်ပြီး အဓိပ္ပာယ်မသိတာတွေရှိတယ်။ အဲဒီလိုဆိုရင် ဒီအိမ်လေးမှာက ပါဠိ နှင် မြန်မာလိုပါ သိအောင်ဖော်ပြထားပေးတယ်။ တစ်ကြောင်းချင်းစီရဲ့ သဘောတရား အနှစ်သာရကို ဖော်ပြထားပေးလို့ သိပ်နှစ်သက်မိတယ်။ တခါတရံ ကဗျာများကိုလဲ ရေးသားထားတာ လှတယ်။

(၃) ကိုမိုးကုတ်သား

ကိုဘိုဘိုရဲ့ အိမ်လေးမှာတော့ စာသားကို ရွေးသုံးတတ်တာများ နုဖတ်နေတာပဲ။ စကားလုံးသုံးတာ လှရုံတင်မကဘူး။ စာအရေးအသားလဲ အတော်ကောင်းတယ်။ သွားသွားဖတ်ပြီး စာသုံးနှုန်းပုံကို လေ့လာနေရတဲ့အိမ်လေးပါ။

(၄)နှင်းဆီဖြူရဲ့ ကဗျာပျိုးခင်း

မွန်းကြပ်မှု့တွေ ရှိလာတိုင်း မကြီးရောင်ရဲ့ နှင်းဆီပျိုခင်းလေးက ထပ်တူကျအောင် ဖော်ပြပေးနေတတ်တယ်။ အိမ်အ၀င်မှာ ချစ်သောသူနှင့် ကွေကွင်းရခြင်း ဆင်းရဲမှ ကင်းဝေးကြပါစေ…..လို့ ဆုတောင်းစာတန်းလေးနဲ့ ကြိုဆိုနေတယ်လေ။

(၅) မိုးစက်အိမ်

ဒီအိမ်က ကဗျာလေးတွေက ရသတစ်မျိုးပြီး တစ်မျိုးပေးတယ်။ စကားလုံး သုံးနှုန်းထားတာလေးတွေကို တစ်ခါတစ်ရံဆို ထပ်တူကျလွန်းလို့ အမှတ်တရ ကူးယူးသိမ်းထားလိုက်မိတယ်။ (မိုးစက်ရေ..အခုမှ ၀န်ခံလိုက်တယ်နော် :D )

မျက်ရည်နဲ့တစ်သျှူး

မကြီးကီအိမ်မှာ တစ်သျှူးbox လေးတွေ အကြောင်းတင်ထားတော့ ဖတ်ရင်း ကျွန်မရဲ့ လုပ်ရပ်လေးတစ်ခုကို သွားသတိရမိတယ်။ ကျွန်မ မြန်မာပြည်ကို ဖုန်းခေါ်တိုင်း ကိုယ့်mobile နဲ့ဘယ်တော့မှ မဆက်ပါဘူး။့ ဈေးသက်သာတဲ့ ဖုန်းဆိုင်လေးကနေ ဆက်ဖြစ်ပါတယ်။ ကျွန်မသွားနေကျတော့ Burdubai မှာရှိတဲ့ ဆိုင်လေးတစ်ဆိုင်ပေါ့။ တမီနစ်ကို ဒဟမ်း ၂.၅၀ ဆိုတော့ သက်သာတယ်လေ။

ကျွန်မက အိမ်နဲ့ ဘယ်ခါတွေ့တွေ့ မျက်ရည်ချောင်းစီးနေကြလေ။ မျက်ရည်သာပေါတယ် လက်ကိုင်ပ၀ါတို့ တစ်သျှူးတို့ကျတော့ မဆောင်ထားတတ်ဘူး။ ဒီတော့ ကျွန်မဖုန်းဆက်တိုင်း ငိုမှ သတိရတာက တစ်သျှူး။ ငိုနေချိန်ဆိုတော့ တစ်သျှူးကလိုအပ်လာပြီ။ အခုချိန်မှ ၀ယ်လို့ရတာလဲမဟုတ်။ ဒီတော့ ကျွန်မက ဖုန်းဆိုင်မှာရှိနေတဲ့ တစ်သျှူးbox ထဲကနေပြီး ငိုလိုက် ဆွဲထုတ်လိုက် သုတ်လိုက်ပေါ့။ ဆိုင်ရှင်ကုလားကြီးကလဲ ကြည့်တော့ကြည့်နေတယ် ဘာမှတော့ မပြောရှာပါဘူး။ နောက်တခါ သွားဆက်လဲ အချိုးက မပြောင်းဘူး။ ငိုပြီဆို သူ့တစ်သျှူး box ထဲက တစ်သျှူးပဲ ယူယူသုံးနေတယ်။

တနေ့ ကျွန်မ ဖုန်းဆက်ဖို့ သူငယ်ချင်း လူမော်နဲ့သွားဖြစ်တယ်။ ထုံးစံအတိုင်း ပြောရင်းငိုတော့ တစ်သျှူးရှာပြီလေ။ ဒီတခါမှာတော့ ခုံပေါ်တင်နေကျ တစ်သျှူးbox လေးမရှိနေဘူး။ ဒီတော့ လူမော်ကို တစ်သျှူးပေးဆိုတော့ ဘယ်လိုလုပ်ပါလာမလဲတဲ့။ သွားပြီ ဒီတခါမှတော့ မငုံတို့ ငိုသာငိုပြီး သုတ်စရာမရှိနေဘူး။

အဲဒီဖုန်းဆိုင်က အထွက်မှ လူမော်ပြောလိုက်တာက နင် ဆိုင်ထဲဝင်လာတာလဲမြင်ရော ဆိုင်ပိုင်ရှင်က သူ့တစ်သျှူးbox ကြီးသိမ်းလိုက်တာနေမှာတဲ့ :) ။

အချစ်ဆိုတာလျှို့ဝှက်ချက်တစ်ခုပါ။

ဒီနေ့တနေကုန် ဒီတပုဒ်ထဲပဲ နားထောင်ဖြစ်နေလို့ မောင်နှမတွေကိုပါ နားထောင်စေချင်တယ်။ :)) ဆားချက်တာ ဟုတ်ဘူးနော်။