မွေးနေ့ရှင်အတွေး

နိုဝင်ဘာ ၂၄ရက် စနေနေ့ ညနေစောင်းမှာ ကောင်မလေးတယောက် လောကထဲရောက်လာတယ်။ အတော်ဂျီကျတတ်တဲ့ ၊ ကြံဖန်ဆိုးတတ်တဲ့သူ တစ်ယောက်အဖြစ်နဲ့ပေါ့။ ငယ်ငယ်တုန်းက ဆိုးလိုက်တာများ ညဆိုရင် ကောင်းကောင်းမအိပ်ရဘူး။ ဘယ်လိုမှ ချော့သိပ်လို့မရဘူးးတဲ့။ အိမ်ပေါ်ထပ်မှာ ရှိနေရင် အောက်ထပ်ဆင်းမယ် အောက်ထပ်ဆင်းမယ်နဲ့ အော်နေ ၊ အောက်ထပ်ရောက်တော့ အိမ်ပေါ်တက်မယ် အိမ်ပေါ်တက်မယ်နဲ့ သောင်းကျန်း၊ ညကြီးအချိန်မတော် ထမင်းစားမယ် ထအော်တယ်။ ဒီသမီးအကျင့်ဆိုးကို သိတဲ့ မိဘကလဲ နောက်နေ့ညတွေမှာလဲ နားပူနာဆာ လုပ်ဦးမယ်ဆိုတာ သိတော့ ကြိုတင်ပြီး အိပ်ရာဘေးချထားပေမဲ့ တကယ်လဲ တောင်းရော မီးဖိုခန်းက ထမင်းမှတဲ့။ ရိုက်သာရိုက်ပစ်လိုက်ဖို့ ကောင်းတယ် ။

ကျောင်းနေရမဲ့ အရွယ် လေးနှစ်ကျော် ငါးနှစ်အရောက်မှာလဲ ကျောင်းမသွားချင်ဘူး။ ပေတီးလုပ်လိုက်တာ ခြောက်နှစ်ကျော်မှ သူငယ်တန်း စတက်တယ်လေ။ ချော့တခါ ခြောက်တလှည့်နဲ့ အားလုံးရဲ့ ၀ိုင်းဝန်းကြီးကြပ်မှု့ကြောင့်သာ စာတော်တယ်ပေါ့။ စာသာတော်တယ်။ အူကြောင်ကြောင်ပါ။ ကျောင်းပြေးတယ်ဆိုတာ ဘာမှန်းမသိ။ ဆရာ ဆရာမတွေ ပြောပြောနေတဲ့ ကျောင်းပြေးတယ်ဆိုတဲ့ စကားလုံးကို သဘောကျပြီး ကျောင်းပြေးတယ်လေ။ ဘယ်လိုပြေးတာလဲဆိုတော့ အိမ်ကနေ ကျောင်းသွားချိန်ရောက်တော့ အမတွေက လွယ်အိတ်ယူပြီး သွားမယ်လုပ်တော့ ပေကပ်ကပ်နဲ့ထိုင်နေတယ်။ ဘာဖြစ်တာလဲလို့ စိတ်ပူပြီးမေးတော့ ကျောင်းပြေးပါမယ်ဆို ကျောင်းပြေးမယ်ဆို အော်အော်ပြီး ပတ်ပြေးနေတာလေ။ အဲ ကျောင်းတက်ချင်တော့လဲ သူ့လောက် တက်ချင်တဲ့သူမရှိဘူး. ကျောင်းသွားချင် လွန်တာများ လွယ်အိတ်မယူ ဘာမယူနဲ့ ကျောင်းဝတ်စုံလဲပြီး ကျောင်းကို မော့ကော့ပြီးထွက်သွားလိုက်တာ နောက်က လိုက်ပို့ရတဲ့အထိပဲပေါ့။

အရွယ်လေး နည်းနည်းပိုရောက်လာလေ ပေကပ်ကပ် ပိုလုပ်လာလေပဲ။ မျက်စိပါဝါအားက ပုလင်းဖင်လောက်ရှိနေပြီ။ မျက်မှန်မတပ်ပဲ ပေတေနေတယ်။ ဘယ်သူမှ ပြောမရတဲ့အဆုံး အားလုံးလက်လျော့ထားလိုက်ရတာများ ကျောင်အုပ်ဆရာမကြီအးပါအ၀င်ပေါ့။

ဒီကြားထဲ မရဏဖွားပီသစွာနဲ့ သေရင်မြေကြီး ရှင်ရင်ရွှေထီး လုပ်လိုက်သေးတယ်။ သေတော့ မသေခဲ့ဘူး။ ရွှေထီးလဲ မဆောင်းရသေးပါဘူး။( ဘယ်တော့ ဆောင်းရမယ်မသိ)။ သေလုမတတ်ဖြစ်နေတာကို ဆရာဝန်က အရည်လေးပဲ သောက်စေချင်တာကို ထမင်းမှထမင်း တခြားအချိန်ကျတော့ ထမင်းစားဆို မုန့်စားတယ်။ အခုလို ကျတော့ ထမင်းတဲ့။ ထမင်းမစားရရင်ပဲ မဖြစ်မဲ့ပုံအသွင်နဲ့ ကောက်တော်မူနေလိုက်တာ အဖေ့ခမျာ သနားလွန်းလို့ ချစ်လွန်းလို့ ထမင်းလေး နည်းနည်းကျွေးလိုက်မိတယ်။ ဆေးရုံကို တန်းပြေးရတော့တာပဲ။ အဲဒီကိစ္စက မပြီးပြတ်တာများ. မိဘနှစ်ပါးကို ရန်တိုက်ပေးသလိုဖြစ်သွားတယ်။

ဘ၀အတွက် အရေးကြီးတဲ့ အဆုံးအဖြတ် ဆယ်တန်းကျောင်းသူဘ၀မှာလဲ ငါတကောကော လိုက်တာများ.ကံကောင်းလို့ အောင်လာတာပေါ့။ အဲဒီနောက်ပိုင်းမှာ နည်းနည်း အကြောက်တရားပိုသွားပြီး ခင်းပေးတဲ့လမ်းကို အသာမျောပြီး လျှောက်လာလိုက်တာ ၂၅နှစ်ပြည့်အထိပဲ။ အဲဒီနောက်ပိုင်းကနေ အခုချိန်ထိ အများအမြင်မှာ သိပ်လိမ္မာတယ် ထင်ရ ၊ ပြောခံရပြီး အမှန်က လုပ်ချင်ရာစွတ်လုပ်နေဆဲ စိတ်ပူအောင်လုပ်နေဆဲပဲ။

ဒီလိုမွေးနေ့ရောက်တိုင်း လက်အုပ်ချီ ကန်တော့တာ ပိုကြာနေတတ်တယ်။ အပြစ်တွေ များလွန်းနေတယ်လေ။ ဘယ်တော့ခါမှများ ရင့်ကျပ်လာလေမလဲ ၊ စိတ်ပူတာလျော့မလဲလို့ မိဘနဲ့ အဘွား တွေးနေမလဲနာ်။ ကိုယ့်မွေးနေ့တောင် ကိုယ်မေ့နေပြီး ပြက္ခဒိန်ကြည့်မှ မြန်မာမွေးနေ့ရက်လေးကို ကြည့်မိလို့ ဒါကြောင့် ညက မိသားစုဝင်တွေ အားလုံးကို အိပ်မက်မက်တာကိုးဆိုပြီး ကိုယ့်မွေးနေ့ကို အမှတ်ရနေတဲ့ အဝေးက မိသာစုကိုတော့ တအားလွမ်းမိသွားတယ်။ ပြီးတော့ အခုအသက်အရွယ်အထိ ဘာလုပ်ပြီးပြီးလဲ ။ ဘာအကျိုးကိစ္စဆောင်ရွက်ပေးဖူးလဲ။ အသက်သာ တနှစ်ကြီးသွားတယ်။ ဒီအချိုးတွေ မပြောင်းသေးပါလား။။ ဒီနှစ်လဲ ကိုယ်ဘာသာကိုယ်ဆန်းစစ်ပြီး ထုံးစံအတိုင်း SWOT Analysis လေး ချရေးပြီး တလွဲလုပ်ဦးမယ်ထင်တယ်။

မွေးနေ့လေးမှာ ကျေးဇူးတင်စကားလေးလဲ ပြောချင်တယ်။ ကိုးလလွယ် ဆယ်လဖွားပြီး ဒီနေ့အချိန်ထိ ကြီးပြင်းလာအောင် မွေးပေးတဲ့ မိဘနှစ်ပါး ၊ အမကြီးအမိအရာတွေ ပီသကြတဲ့ အမနှစ်ယောက် ၊ တစ်ဦးတည်းသော မောင်လေး ၊ မြေးတွေထဲမှာ အချစ်ဆုံးအဖြစ် ရွေးခဲ့တဲ့ ဘွား ၊ တူမဆိုပေမဲ့ သမီးအကြီးဆုံးတယောက်လို ယနေ့ထက်ထိ အချစ်ပိုပေးတဲ့ ပါးပါးနဲ့ မိုးမိုး ၊ နောက် စုစုစည်းစည်းနဲ့ ဘာဖြစ်ဖြစ် ၊ ဘယ်သွားသွား ၊ ဘာလုပ်လုပ် တအုပ်တမကြီး သွားကြ သိပ်ပြီး စည်းရုံးစရာမလိုတဲ့ ချစ်ရတဲ့ မောင်နှမတွေ ၊ စိတ်ကောက်တဲ့ ဆိုးနွဲ့တဲ့ဒဏ်တွေကို အများကြီး ခံပေးတဲ့ သူငယ်ချင်းတွေ ၊ အမြဲနားလည်ပေးတဲ့ ချစ်သူ ကိုစိုင်းနော်ခမ်း၊ နောက် ကျွန်မရဲ့ မိသားစုဝင်တွေရဲ့ မွေးနေ့ရက်လေးတွေမှာ တင်တဲ့ပိုစ့်တွေကို လာရောက်ပြီး ဆုတောင်းပေးကြတဲ့ ဘလော့ဂ်မောင်နှမများ ၊ ကြိုးစားပြီး ရေးသားဆဲ ပိုစ့်များကို လာရောက်ပြီးဖတ်ပေး၊ အိမ်လေးကို လာလည်ပေးကြတဲ့ မောင်နှမများ အားလုံး အားလုံး (ကျန်ခဲ့တာ ရှိရင် ခွင့်လွှတ်နော်) ကျေးဇူး တအားတင်ပါတယ်။ မွေးနေ့လေးမှာ ဘာနဲ့မှလဲ ဧည့်မခံရဘူး။ ကျွန်မရဲ့ ပြောင်မြောက်လှတဲ့ ငယ်ရုပ်ဘ၀ကို လာရောက် အားပေးကြတဲ့ မောင်နှမများကို ဧည့်ခံချင်သေးတယ်။ ဒီတော့ ပိတ်ရက်လေးမှာ မွေးနေ့အတွက် ပြင်ဆင်ပြီး မောင်နှမတွေကို ဧည့်ခံပါဦးမယ်။