ပိယိင်းကိုချစ်တဲ့ မောင်…

ခေါင်းထဲကိုရောက်လာတဲ့ ခေါင်းစဉ်တစ်ခုခုကိုပဲ ဖြစ်ဖြစ်၊ သူများတွေအတွက်ဖြစ်ဖြစ် ပိုစ့်တစ်ပုဒ်အနေနဲ့ ချရေးဖို့ မြန်ဆန်ခဲ့ပေမဲ့ ဘာလို့များ ချစ်ရသူအတွက်ကျတော့ စာတစ်လုံးဆိုတာတောင် ထွက်မလာတာလဲ။ ရေးလိုက် ဖျက်လိုက်နဲ့ အချိန်ယူပြီး ရေးပေမဲ့လဲ စိတ်တိုင်းမကျနေဘူး။ ဘယ်လိုမှ မကြိုက်နေဘူး။ လိုအပ်နေတယ်။ အများကြီးလိုအပ်နေတယ်။ ချရေးလို့မရနေဘူး။ တစ်ခုခုကိုဆို ချရေးလိုက်ရင် ဖြောင့်နေတာပဲ။ လက်ကလဲ သွက်တယ်။ မောင့်နဲ့ ပက်သက်ပြီး ရေးမယ်ဆို ဘာတစ်ခုမှ ထွက်မလာဘူး။ အရင်ကတည်းက မောင့်အတွက် ရေးချင်တယ်။ ကိုယ့်ချစ်သူအတွက် ရေးပေးကြတဲ့ ပိုစ့်လေးတွေကို ဖတ်ကြည့်ပြီး သဘောကျရတယ်။ မောင့်အတွက်လဲ ရေးပေးချင်စိတ်တွေ တအားဖြစ်မိတယ်။

မောင့်ရဲ့ နေရာတကာ ပိယိင်း စိတ်ချမ်းသာဖို့ ၊ ပိယိင်းအတွက်ပဲ ဦးစားပေးနံပါတ်တစ်နေရာမှာ ထားတာတို့ ၊

ပိယိင်း ပျော်ရင် မောင်ပိုပျော်သွားပြီး ပိယိင်း စိတ်ဆိုးရင် နေလို့မရအောင် ပျာယာခတ်နေတာတို့ ၊

ပိယိင်း မျက်ရည်ကျရင် မောင် ထပ်တူ ခံစားပြီး မျက်ရည်ကျပေးခဲ့တဲ့ ဘယ်သူ့မှ နားမလည်နိုင်တဲ့ ဖြစ်ရပ်တွေတို့ ၊

တမင်ဂျီကျ ဂျစ်တိုက်ပြီး ကလေးချော့ကဗျာ ၊ ပုံပြင်တွေကို ပြောခိုင်း ၊ ရွတ်ခိုင်းတာတွေကို အလိုလိုက်ပြီး ရွတ်ခဲ့ ပြောပေးခဲ့တာတို့ ၊

ပိယိင်း မျက်နှာ ပြဲုံးနေတာပဲ လိုလားပြီး။ မျက်နှာတချက်အညှိုးမခံတဲ့ မောင့်အချစ်တွေ ၊

တခါတခါ လူကြီးတယောက်လို စိတ်ပူပြီး ဆူပူနေပေမဲ့ များသောအားဖြင့် ယုန်လေးလို တကယ့်ဖြူဖြူစင်စင်လေး နာခံနေတဲ့ မောင့်မျက်နှာ ၊

ပိယိင်း နေမကောင်းဖြစ်ရင် စိတ်ပူပြီး လူနာစောင့်သဖွယ် ၊ လိုအပ်ချိန်တိုင်း နေပေးခဲ့တာတွေ တခြားတခြား သေးသေးမွှားမွှားလေးတွေ အများကြီးရှိနေသေးတယ်။ မောင့်ချစ်ခဲ့ ဂရုစိုက်ခဲ့ အလိုလိုက်ခဲ့တာတွေကို စာလုံးစီပြီး ရေးပြချင်တယ်။ ရေးလို့မရနေဘူး။

ဒီလိုပဲ မောင် ချစ်မှန်း အလိုလိုက်မှန်း အလျော့ပေးမှန်း သိလို့ ကန်းတက်ပြီး အနိုင်ယူခဲ့ ၊ ခဏခဏ စိတ်ကောက်၊ မရမက ဂျီတိုက်၊ ပြဿနာအမျိုးမျိုးရှာ ၊ စိတ်မကောင်းဖြစ်အောင် လုပ် ၊ မျက်ရည်ကျအောင် လုပ်ခဲ့တာတွေ ပြန်တောင်းပန်ချင်တယ်။ ဘယ်လိုစကားလုံးမျိုးတွေနဲ့ စိတ်မကောင်းဖြစ်ရတယ်ဆိုတာ ပြောမပြတတ်နေဘူး။

မောင့်ရဲ့ ဂရုစိုက်မှု့အောင် စိတ်ပူမှု့အောက်မှာ နေသားကျနေလို့ မောင်မရှိရင် မလုပ်တတ်၊ မနေတတ်သလိုဖြစ်နေတာတွေ ပြောပြချင်နေတယ်။ မနက်ဆိုလဲ မောင် မနိုးရင် အိပ်ရာက မထတတ်သလို၊ နေ့လည်ဆိုလဲ အလုပ်တွေ များနေတာကို သိရက်နဲ့ စိတ်ကောက်ချင်တာက မောင့်ကိုလွမ်းလို့ ၊ ညရောက်တော့လဲ စာဖတ်နေတာကို ရအောင်နှောက်ယှက်ပြီး ကိုယ်ပိုင်အချိန်တွေ ဆုံးရှုံးအောင် လုပ်မိနေတာတွေက မောင့်ကို ချစ်လို့ ဆိုတာတွေ သိအောင် ဘယ်လိုပြောရမလဲ။ စကားလုံးလှလှ သုံးပြီး မောင့်အတွက် အမှတ်တရလေးတစ်ခု ဖြစ်အောင် ပြောပြချင်တယ်။ ရေးလို့မရတော့ မောင့်အတွက် ပိယိင်းတို့ ဖြစ်နေတာတွေနဲ့ ထပ်တုကျနေတဲ့ ဒီသိချင်းလေးကို နားထောင်ပြီး ပိယိင်းပြောချင်တာလေးကို နားလည်ပေးပါနော်။