အမြှောက်အပင့်

ဒီပိုစ့်လေးကို မကြာခင် ကန္တာရမြေလေးမှ အပြီးထွက်ခွာတော့မဲ့ ညီမလေး AngleShaperအတွက်ပေါ့။ သူ့အတွက် နှုတ်ဆက်ပွဲနေ့မှာ ကိုပီတာဆီမှ ငှားလာတဲ့ မဟာဗောဓိမြိုင်ဆရာတော် ၀န၀ါသီဥေယျဓမ္မာမိထေရ် ရဲ့ ဥာဏဒသနကထာ စာအုပ်လေးထဲက အမြှောက်အပင့်ဆိုတဲ့ တစ်ပုဒ်ကို ကြိုက်တယ်လို့ ပြောဖူးတယ်လေ။ Dim ရေ အိမ်အပြန်လက်ဆောင်လေး ပေးပါရစေနော်။

“ အမြှောက်သည် ပင့်တင်ပေးမှသာ မြောက်စေ၏။ ပင့်လျှင်လည်း မြှောက်ပြီးသား ဖြစ်နေတတ်၏။ ထိုမြှောက်ပင့်မှုသည် တွန်းပို့ခြင်းကို ဖြစ်စေတတ်ပြီး အတွန်းအပို့ ၊ အမြှောက်အပင့် အားကုန်လျှင်သော် ချတော့မည်မှာ သေချာပြီ “

ဟုတ်တယ်နော်။ လောကမှာ တစ်ယောက်ယောက်ကို မြှောက်ပင့်ပြောဆိုပြီး လုပ်ကိုင်ပေး ပြောပေးခြင်းသည် သူတို့အကျိုးစီးပွားရေးအတွက် ဖြစ်စေတယ်နော်။ တစ်ချို့ကျတော့ မြှောက်ပင့် ပြောပြီး ပေါင်းသင်ခြင်းမှာ မနာလိုပြီး ပေါင်းခြင်းဖြစ်တယ်နော်။ မြှောက်ပင့်ပေးပြီး အကျနာအောင် လုပ်တယ်လေ။ လူ့လောကမှာ အမြှောက်အပင့်ကြိုက်သူတိုင်းကို သူတို့အလိုကျ ပြောဆိုပေးလိုက်ပါက မြောက်ပေးလျှင် စဉ်းစားဥာဏ်မရှိ ၊ မသုံးတော့ပဲ ကိုယ့်ဘာသာကိုယ်အထင်ကြီးပြီး ငါမှငါ တကောကောကာ လွှတ်ထွက်သွားကြတော့တယ်။

ပြီးတော့ ဒီစာအုပ်လေးမှာ ဖော်ပြထားတာက ဆရာတော်ရဲ့ရေးသားထားတဲ့ ဥပမာလေးက သိပ်သဘာကျဖို့ကောင်းပါတယ်။

" ငါစွဲမကင်းသေးသော ပုထုစဉ်လူသားတိုင်းတို့၏ မ, စမှုသည် ငှင်းချဖို့ရန်အတွက်ချည်းပင် မဟုတ်လော " တဲ့။

နွားရှင်သည် ခိုင်းစားနွားကြီးတို့ကို အစာကျွေးနေပြီ။
ကြက်မွေးသမားက သူ့ကြက်တွေကို ကျကျနနထားသည်။
ဝက်မွေးသမားက သူ့ဝက်ကို စနစ်တကျ ကျွေးထားသည်။

အဲဒီဥပမာကိုကြည့်တာနဲ့တင် သူတို့ရဲ့ ရည်ရွယ်ချက် အသီးသီးကို ခေါက်ကြည့်က အမနဲ့ အချအကြောင်း ကောင်းကောင်းကြီး သိနိုင်တယ်လို့ ရေးသားထားတယ်လေ။

နောက် မယားက သူ့လင်သား အလုပ်စိတ်ဓာတ်မကျရန် အားပေးသည်။
ဇာတ်ရုံပိုင်ရှင်က ဇာတ်မင်းသား အားမငယ်ရန် မြှောက်စားသည်။
စီးပွားရေးသမားက အလုပ်သမားများကို စိတ်ဓာတ်မြှင့်တင်ပေးသည်။
လောင်းကစားသမားက အားကစားသမားများကို လာဘ်ပေးနေသည်။

ဒီဥပမာကိုကြည့်ရင် အမြှောက်အပင့်အကြောင်းကို ကောင်းကောင်းကြီး ရိပ်မိတတ်ရာ၏။

မြှောက်တိုင်း မမြောက်ပါနဲ့။ မြောက်တိုင်းအချခံရမှာသေချာပြီ။ အချဟူသော စကားသည် အမြှောက်မှ ကပ်ပါလာသော အဓိပ္ပာယ်ချည်း။ ဘယ်ကိစ္စမဆို မမြှောက်ပဲ ချလို့မရ ။ဒါပေမဲ့ မချပဲ မြှောက်လို့တယ် တဲ့။

အချမခံလိုလျှင် အမြှောက်မခံပါလေနှင့်။
အမြှောက်မခံလိုလျှင်မပင့်မခံပါလေနှင့်။

အကြိမ်တဆယ်တရာ မြောက်ပင် မြှောက်ငြားသော်လည်း မိမိဘက်မှ မမြောက်ပါက အချမခံရပါ။ ကိုယ်မမြှောက်သရွေ့ သူတို့နှဲ့နေကြမယ်။ ပသနေကြမယ်။ သူမြှောက်တိုင်း တခါမြောက်ပါက အဲဒီမှာတင် အချခံရမည်လို့ ဆရာတော်က ဆုံးမရေးသားထားပါတယ်။

ဒီပိုစ့်လေး ဖြစ်လာအောင် စာအုပ်ပေးငှားတဲ့ ကိုပီတာ (ကိုပီတာရဲ့အတွေးပုံရိပ်များ)နဲ့ ဒီစာစုလေးကို ကြိုက်တယ်ဆိုတဲ့ ညီမလေး Dimတို့ကိုကျေးဇူးတင်ပါတယ်။ ဆရာတော်ရဲ့အရေးအသားများ မပျက်အောင် ကြိုးစားရေးပေးထားပါတယ်။ အမှားပါသွားရင် ဒါဟာ ကျွန်မရဲ့ အားနည်းချက်ပါ။ မူရင်းစာမှ အမှားများ မဟုတ်ပါဘူးလို့ ပြောပါရစေရှင့်။