ဖြစ်လိုက်ရင်..တစ်လွဲ (၁)

အခုတလော စိတ်ရှုပ်စရာ စိတ်ပျက်စရာတွေချည်း ကြုံနေရတော့ ပိုစ့်တွေသာ ရေးနေတယ်။ စိတ်ညစ်စရာတွေချည်းလိုလို ဖြစ်နေတယ်။ ဒါကြောင့် စိတ်ညစ်စရာ မတွေးချင်ပဲ ပျော်စရာတွေပဲ ရေးချင်နေတော့တယ်။ ကျွန်မဘ၀မှာ တော်တော်လေး တစ်လွဲလုပ်ခဲ့တာတွေ အများကြီးပဲ။ အဲဒါလေးကို မျှဝေမယ်နော်။ ကြုံရင် ကြုံသလို ရေးမှာမို့ အမှတ်စဉ် တပ်လိုက်ပါတယ်။ အခုပထမဆုံး အနေနဲ့ကတော့ ဒီဒူဘိုင်းရောက်မှ ဖြစ်တဲ့ အဖြစ်လေးတစ်ခုကို အရင်ပြောပြမယ်။
ကျွန်မ ရုံးကိုနေ့တိုင်း bus စီးသွားလေ့ရှိတော့ ကြာလာတော့.မှတ်တိုင်မှာ နေ့တိုင်းတွေ့ဖန်များတော့ သိလာခင်လာတာတွေ ရှိတယ်လေ။ အဲဒီထဲမှာမှ ကျွန်မနဲ့ စီးတဲ့ကားချင်း တူတူ၊ ရုံးကလဲ building တစ်ခုတည်းဆိုတော့ နေ့တိုင်းလိုလိုကို တွေ့ဖြစ်တယ်ပေါ့။ သူ့ကို မေးမိတယ်။ ဘာလူမျိုးလဲလို့။ သူက သီရီလင်္ကာဆိုတော့ သိလိုက်တယ်။ ဒါဗုဒ္ဓဘာသာပဲ။ အဲဒါနဲ့ ဗုဒ္ဓဘာသာနဲ့ ပက်သက်တဲ့ စကားတွေ ပြောဖြစ်ကြပါလေရောပေါ့။။။အဟဲ လာပါပြီ. ဖြစ်တော့မယ်လေ။ တစ်လွဲ.သူ့နာမည်က မြန်မာလို အသံထွက်ရင် မင်္ဂလာတဲ့။

မင်္ဂလာ ။။။ နန်းတို့ မြန်မာမှာ ဘုရားရှိခိုးရင် ဘယ်ကနေစသလဲ။
ကျွန်မ။။ " သြကာသ" ကနေစပါတယ်။
( ဟုတ်သေးပါဘူး။ ဘုရားရှိခိုးတာပဲ သူတို့က ဘယ်ကနေစရှိခိုးလို့လဲ..မေးလိုက်ဦးမယ်)
မင်္ဂလာတို့ကကော ဘယ်ကနေစတာလဲ။
မင်္ဂလာ။။ " နမောတဿ " ကနေစပါတယ်။

ကဲ ကြည့်ပါဦး။လုပ်လိုက်ပုံက တစ်လွဲ။ ကြောင်တောင်တောင်နဲ့ ။ ဟုတ်သားပဲ။ နမောတဿ ကနေစတာလေ။ တော်တော်လေးလဲ ရီချင်သွားတာနဲ့ ဟန်ဆောင်လို့ မရတော့ဘူး။ အားရပါးရကို ရီလိုက်မ်ိတယ်။ နောက်ပိုင်းမှာတော့ သူက သူ့အမျိုးသားကိုပါ ပြောပြတော့ သူ့အမျိုးသားကလဲ လိုက်ပို့ရင်း မေးပါတယ်။ ရွတ်ခိုင်းတယ်။ ငါးပါးသီလ တွေ ဆယ်ပါးသီလတွေ. တူမတူလေ။ အသံထွက်ချင်းကိုပေါ့။
အဒေါ်ပြောသလိုပါပဲ။ ဒူဘိုင်းရောက်မှ မှတ်တိုင်မှာ ငါးပါးသီလခံတာနဲ့ တိုးနေတယ်။ ဒီနေ့တော့ ဒီလောက်ပါပဲ။လာဖတ်ပေးကြတဲ့ သူငယ်ချင်းတွေ နဲနဲပြုံးမိသွားရင် ၀မ်းသာပါတယ်ရှင်။