ဒီပိုစ့်လေးကိုစထားပြီး.အခုမှပဲ အပိုင်း(၂)ပြန်ရေးရတော့တယ်။ ဒီတပို့တွဲလမှာ ကျွန်မတို့မြို့မှာ ဘုရားမီးလှုံပွဲရှိတယ်လေ။ ဒီတပို့တွဲလမှာ အအေးဆုံးကာလ ဇြစ်လို့ ဘုရားရှင်ကို နွေးထွေးစေရန် မီးဖြင့်ပူဇော်ကြတာပါလို့ (ဘုရားရှင်တောင် မီးလှုံရတယ်လို့) မြို့ရဲ့ဓလေ့ ရိုးရာပွဲ အဖြစ် နှစ်စဉ် တပို့တွဲလပြည့်နေမှာ ကျင်းပပါတယ်။ ဒီပွဲမတိုင်ခင် သုံးရက်အလိုမှာ မြို့ရဲ့တောင်ပေါ်မှာ အလေ့ကျပေါက်နေတဲ့ သျှားပင်တွေကို ခုတ်ကာ.လုံးပတ်ကို လေးပေလောက်အထိ လုပ်ကြသလို အရှည်ကိုလဲ ခုနှစ်ပေ ၊ ရှစ်ပေထိစည်းကာ ချည်နှောင်ကြပါတယ်။ အဲဒီသျှားစည်းကို ညနေ ငါးနာရီကျော်ကျော် မှောင်ရီပြိုးတာနဲ့ ရပ်ကွက်တိုင်း လမ်းတိ်ုင်းမှ လူငယ်များက ထမ်းကာ ရိုးရာသီချင်း သီဆိုရင်း မြို့လယ် ဘုရားကြီးဆီသို့ ပူဇော်ကြပါတယ် ။ အမျိုးသမီးများနဲ့ ကလေးငယ်များကလဲ သနပ်ခါးတုံးများ၊ နံ့သာတုံးများဖြင့် သွားရောက်ပူဇော်ကြပါတယ် ။
အဲဒီညမှာတော့ ယာဂုချက်ကြပါတယ် (ဒေသအခေါ်ကတော့ "ခေါက်ယာဂု"လို့ခေါ်ပါတယ်)။ နောက်တစ်နေ့ မနက်ရောက်တော့ အသိအိမ် တွေ ကို လိုက်ဝေကြတာပေါ့ ။ (တစ်မြို့လုံးအသိတွေပါပဲ)နောက်ဟိုအိမ်ကလာပို့ ၊ ဒီအိမ်ကလာပို့နဲ့ စားလို့မကုန်နိုင်တော့ဘူး ။
ဒါလေးကတော့ တပို့တွဲလမှာ ကျင်းပတဲ့ ဘုရားမီးလှုံပွဲလေးပါ ။
Saturday, January 31, 2009
Subscribe to:
Post Comments (Atom)
0 comments:
Post a Comment