ဖြစ်လိုက်ရင်...တစ်လွဲ(၃)

ကျွန်မ အချိန်တိုင်းတော့ အိမ်ကိုလွမ်းနေတာပါပဲ။ ဒါပေမဲ့ ထူးထူးခြားခြား အမေကို ဒီတစ်ပတ်အတွင်း တအားသတိရနေတယ်။ အမေလို့ တွေးမိတာနဲ့ မျက်ရည်က ၀ဲလာခဲ့တယ်။ ဒီလို လွမ်းနေရက်နဲ့ ကျွန်မ အမေနဲ့ ပက်သက်ပြီး ကပေါက်တိ ကပေါက်ချာ လုပ်ခဲ့တာလေးကို သတိရမိသွားတယ်။ အဖြစ်ကတော့ ပြောမနေနဲ့။ တော်တော်လွန်တဲ့ ကျွန်မပါပဲ။ ဒီလိုလေးများ ဖြစ်ဖူးကြရဲ့လား မသိဘူး။

ကျွန်မ ဆယ်တန်းဖြေပြီး အိမ်မှာ အနားယူတဲ့ အချိ်န်ပေါ့။ တစ်နေ့ ကျွန်မ အခန်းထဲမှာ စာဖတ်နေရင်း အမေ့ကို ပြောစရာရှိသွားတယ်။ ဘာလဲဆိုတာ ကျွန်မ စဉ်းစားလို့ မရတော့ဘူး။ တော်တော်လေး ပြောပြချင်လို့ ကျွန်မ ချက်ချင်း အိမ်အောက်ထပ်ကို ပြေးဆင်းခဲ့လာတာပါ။ အဲ.. လှေကားလဲ ဆုံးရော ကျွန်မ ပါးစပ်ဟရုံရှိပါသေးတယ်။ ဘာတစ်ခွန်မှ ထွက်မလာတော့ဘူး။ ဘာလို့လဲ သိလား။ ကျွန်မ အမေကိုမြင်ရက်နဲ့ မေ့သွားလို့ပါပဲ။ ကျွန်မလဲ စဉ်းစားသေးတယ်။ မရဘူး။ နှုတ်ခမ်းကနေ ဘာမှထွက်မလာတာ။ အမျိုးမျိုး စဉ်းစားတာမရဘူး။ နောက်ဆုံး အပေါ်ထပ်ပြန်တက်ပြီး အမလတ် စာဖတ်နေတာကို သွားခေါ်လိုက်တယ်။

ကျွန်မ။။။။ မမ ..ခဏလိုက်ခဲ့ပါ။ ပြစရာရှိတယ်။

မမ။။။ ဘာလဲ

ကျွန်မ။။။ အား..လိုက်ခဲ့ပါဆိုနေ

အတင်းခေါ်လာတော့တယ်။ ကျွန်မက ဘာမှမပြောပဲ ခေါ်ပဲခေါ်နေတော့ မမလဲ ကြောင်တောင်တောင်နဲ့ ပါလာတယ်။ လှေကား တစ်ဝက်ကနေပြီး.ကျွန်မ..မမ့ကို လက်ညှိုးထိုးပြီး ပြောလိုက်ပါတယ်။

ကျွန်မ။။။။ မမ..အဲဒီမှာ တွေ့လား။ မျက်မှန်နဲ့လေ ဧည့်ခန်းမှာ ထိုင်နေတာလေ။
အဲဒီ အန်တီကို ဘယ်လိုခေါ်ရသလဲ။ သိနေတယ်။ စဉ်းစားလို့ မရနေဘူး။


မမ တအားကြောင်သွားပြီး ကျွန်မကို မျက်မှောင်ကြုတ် ကြည့်ပါတော့တယ်။ ကျွန်မလဲ ထုံးစံအတိုင်း ဘာမှကို မသိရင် မလုပ်တတ်ရင် လက်ကိုက်ပြီး ကြည့်တော့ .. အခုလည်း တကယ် ဘာမှမသိသလို ဖြစ်နေတော့ ဘယ်လောက် ကြောင်တောင်တောင် နိုင်လိုက်သလဲ။ မမလေ.ကျွန်မ ခေါင်းကို မနာအောင် ခေါက်ပြီး

" အဲဒါ အမေလေ။ မေ့လို့ခေါ်တယ်လေ " တဲ့။။။

တစ်ခါတစ်လေ အဲဒီလိုပဲ တစ်ခုခု တအားဖြစ်ချင်တဲ့ အခါ မေ့သွားတတ်တာ၊ ပါးစပ်ထဲက ဘာမှထွက်မလာတော့တာ။ နှုတ်ခမ်းဖျားတင် မေ့သွားတာ ကျွန်မ အကျင့်ဆိုးပါပဲ။ ဒါပေမဲ့ ဒီလိုမျိုးတော့ လုံးဝမဖြစ်သင့်ပါဘူး ဒီအဖြစ်မျိုး။ ကျွန်မ ဖြစ်ခဲ့တယ်။