ကျွန်မနဲ့ ကြောင်

ကြာသပတေးညဆိုတော့ မနက်ဖြန် ရုံးပိတ်တယ်။ ( ဒူဘိုင်းရုံးပိတ်ရက်က သောကြာနေ့လေ) ဒီလို ကြာသပတေးညဆို ဒူဘိုင်းရောက်လူတွေ ထုံးစံအတိုင်း မိသားစုလိုက်၊ အဖွဲ့လိုက် ညလုံးပေါက် တနေရာရာ သွားနေကျ၊ (ကမ်းခြေ၊ ကစားကွင်း၊ ပန်းခြံ လူအများကြီးပဲ)။ ကျွန်မတို့လဲ ဘယ်သွားရင်ကောင်းမလဲ ရှာဖွေကြတာပေါ့။ အစက လမ်းထိပ်က ကစားကွင်းမှာပဲ ဆုံဖို့ချိန်းထားကြပေမဲ့ သူငယ်ချင်းသန္တာက ကမ်းခြေမှာ ရေသွားကစားရအောင်ဆိုတာနဲ့ ည၈နာရီခွဲကျော်ကျော်မှာ သန္တာ၊ လူမော်နဲ့ ကျွန်မတို့ သုံးယောက် ကစားကွင်းကနေ ကမ်းခြေဘက်ကို ထွက်ခဲ့ကြတယ်။ အဒေါ်တို့ကို ခေါ်ပေမဲ့ မလိုက်တော့ဘူးဆိုတော့ သုံးယောက်ပဲ ထွက်လာခဲ့ကြတယ်။

လမ်းမှာ ကြောင်တစ်ကောင်နဲ့ တွေ့ပါလေရော။ ကြောင်တွေ့တာများ အဆန်းလုပ်လို့ဆိုပြီး မထင်နဲ့နော်။ ကျွန်မက ကြောင်ဆို အသေကြောက်တာ။ ငယ်ငယ်ကဆို ပိုဆိုးတယ်။ ကြောင်မြင်ရင်ကို နေလို့မရတော့ဘူး။ တအားကြောက်ပြီး မျက်ရည်တွေ ကျလာတတ်တယ်။ အခုနောက်ပိုင်းမှသာ အိနြေ္ဒရလာတာ။ ခပ်လှမ်းလှမ်းကနေ တွေ့ရင် ရတယ်။ နောက် ကြောင်ကလဲ သူဘာသာသူနေရင် ရတယ်။

အခုတော့ မဟုတ်ပါဘူး။ ကြောင်က ကျွန်မကို ကြည့်နေတယ်။ နောက် နောက်ကနေလိုက်လာပါလေရော။ ကျွန်မလဲ ရှူး..ရှူးနဲ့ မောင်းပြီး သူငယ်ချင်းနှစ်ယောက်ကြား ၀င်ပြေးတယ်။ ကြောင်ကလဲ မရဘူး။ အတင်းကပ်လိုက်လာနေတယ်။ ကျွန်မက မုန့်ဗူးကိုင်လာတော့ သူမုန့်လိုက်တောင်းတယ်ထင်ပြီး လူမော်က မုန့်တခုယူပြီး ချကျွေးတာကို မစားပဲ ကျွန်မနောက်ကိုပဲ လိုက်နေတော့တယ်။ ရင်ဘတ်တခုလုံး တဆတ်ဆတ်တုန်နေတော့တာပဲ။ အဲဒီအချိန်မှာ ဘာမှမမြင်တော့ဘူး။ ကြောက်နေတာပဲသိတယ်။ ကျွန်မလမ်းပေါ်အတင်းဖြတ်ကူးပြေးဖို့ လုပ်လို့ သန္တာက နောက်ကအတင်းလိုက်ဆွဲရတယ်။ ကားတွေက အရှိန်တွေနဲ့ မောင်းလာတာလဲ မသိတော့ဘူး။ သန္တာက နောက်ကနေ လိုက်ဆွဲ၊ ကျွန်မက အတင်းလမ်းဖြတ်ကူးနဲ့ဆိုတော့ ကားလမ်းဘေးမှာ ရုတ်တရက်ကြည့်ရင် ရုန်းရင်းဆန်ခတ်ဖြစ်နေသလို ဖြစ်နေပါတော့တယ်။ နောက်တော့ ကျွန်မလက်ထဲက မုန့်ဗူးကြောင့်လား မသိဘူးဆိုပြီး လူမော်က မုန့်ဗူးလှမ်းယူလိုက်ပေမဲ့ ကြောင်က ကျွန်မနောက်ပဲ ဆက်လိုက်နေတယ်။ ကံကောင်းချင်တာက ပလက်ဖောင်းပြင်နေတာဆိုတော့ ကာထားတာပဲ။ ကြောင်က အထဲကနေလိုက်၊ ခုန်ထွက်လာတော့မလိုနဲ့။ ကျွန်မက ရှေ့ကပြေးနဲ့။ နောက်ဆုံး ဖြစ်ချင်ရာ ဖြစ်ဆိုပြီး သန္တာလက်က အတင်းရုန်းပြီး လမ်းကိုဖြတ်ကူးလိုက်တော့တယ်။ ဟိုဘက်အခြမ်းရောက်တာတောင် စိတ်မချတာနဲ့ ပြေးနေဆဲ။ နောက်တော့ သူငယ်ချင်းတွေ မှီလာတော့ ကြောင်လိုက်မလာတော့ဘူး ဆိုမှ အပြေးရပ်တာ။ ဒါပေမဲ့ ကြောက်တဲ့စိတ်က မပြေဘူး။ သူငယ်ချင်းတွေ အသီးသီးကောင်းချီးပေးပါလေရော။

သန္တာက.." ကြောင်ကိုက်လို့ မသေဘူး။ ကားတိုက်မှသေမှာ"တဲ့။ နောက်ပြောသေးတယ်။ လိုက်ဆွဲတဲ့သူက လူမော်မဟုတ်ပဲ သူဖြစ်နေတာ ကံကောင်းတယ်တဲ့။ အကယ်လို့ လူမော်က လိုက်ဆွဲတာဆိုရင် သေချာတယ် ရဲစခန်းအရောက်ပဲတဲ့။

လူမော်ကလဲ " ဒီမုန့်ကိစ္စကို ဘယ်သူစတာလဲ" တဲ့။ ကျွန်မဗိုက်ဆာတယ်ဆိုလို့ လူမော့်အိမ်ဝင်ပြီး မုန့်သွားယူလာတာလေ။ ကြောင်က ကျွန်မလမ်းဖြတ်ကူးတဲ့အထိ လိုက်ကူးဖို့ လုပ်သေးတယ်တဲ့။

အမလေးနော်..ကံကောင်းလို့။ ကြောင်ကြောက်တာနဲ့ပဲ ရုန်းရင်းဆန်ခတ်ဖြစ်နေတယ်ဆိုပြီး ရဲစခန်းမရောက်တာ။