လိုအပ်ချက်နဲ့ အလိုအပ်ဆုံး

ဒီခေါင်းစဉ်ကို အဆိပ်ခွက်အိမ် သွားလည်ကတည်းကတွေ့တယ်။ ခေါင်းစဉ်လေးကို သဘောကျတယ်။ သူတဂ်ထားတာတွေလဲ တွေ့ခဲ့တယ်။ အဲ..ကိုယ့်ဘက်ရောက်လာမယ် မထင်ထားခဲ့ဘူး။ အခုတော့ သူငယ်ချင်လေး ခီခန့်(ငပျင်း)က တဂ်လိုက်တာပါ။ ဘ၀မှာ လိုအပ်ချက်တွေ၊ လိုချင်မှု့တွေ အများကြီးပဲ။ ကုန်ပဲမကုန်နိုင်ဘူး။ ရလေလိုလေ အိုတစ္ဆေ ဖြစ်နေတော့တာပဲ။

ကျွန်မရင်ထဲ စိမ့်ဝင်နေတာတဲ့ စကားလုံးလေးတလုံးပေါ့။ "အိမ်" တဲ့။
အိမ် ဆိုတဲ့စကားလုံးကို တအားကြိုက်တယ်။ ဒီစကားလုံးကို တွေ့ရင်ပဲဖြစ်ဖြစ်၊ ကြားလိုက်ရရင်ပဲဖြစ်ဖြစ် အလိုလို နွေးထွေးလာတယ်။ ပိုသတိရတယ်။ အလိုလိုနေရင်း ပျော်လာတယ်။

"ကမ္ဘာမြေမှာခိုလှုံရန် ခေါ်ဆိုတဲ့အိမ်၊ရံရွေအလည် ထည်ဝါစွာ ဆင်စွယ်နန်းအိမ်၊ ကျူထရံကာဓနိမိုးလဲ အိမ်၊ နှလုံးသားမှာ နွေးထွေးရင် ဒါဟာလဲ.အိမ် "

ဒီသီချင်းစာသားလေးမှာ နှလုံးသားမှာနွေးထွေးရင် ဒါဟာလဲအိမ်တဲ့။ မှန်ပါတယ်။ ဘယ်နေရာရောက်ရောက် ဘယ်နေရာမှာပဲနေနေ နှလုံးသားထဲမှာ အိမ်ဆိုတဲ့ အသိစိတ်လေးရှိနေရင် အဝေးဆုံးမှာရှိနေရင်တောင် နီးနီးလေးပါပဲ။ ဒီလို အိမ်လေးကို လိုအပ်တယ်။ အမြဲလိုအပ်နေတယ်။ ကိုယ်ဝမ်းနည်းတဲ့အခါ၊ ကျရှုံးမှု့ရှိလာတဲ့အခါ အိမ်လေးက ဘာဖြစ်ဖြစ် နွေးနွေးထွေးထွေး အချိန်ပြည့် ကြိုဆိုနေပါတယ်။ ဒါကြောင့် ကျွန်မဘ၀မှာ အလိုချင်ဆုံးအရာလေးက အိမ်လေးပါပဲ။

အဲဒီအိမ်လေးထဲမှာ ကျွန်မချစ်တဲ့ မိဘမောင်နှမဆွေမျိုးသားချင်းတွေနဲ့ အေးမြပြီး ဘယ်တော့မှမပြောင်းလဲ ချစ်မေတ္တာတွေပြည့်လျှံစွာ အမြဲနေချင်တယ်။ ကိုယ်ရွေးချယ်ထားတဲ့ လမ်းတခုအတွက် အဝေးရောက်နေပေမဲ့ ဒီအိမ်လေးနဲ့ ဒီမေတ္တာတွေဟာ ကျွန်မဘ၀မှာ အလိုချင်ဆုံးနဲ့ အလိုအပ်ဆုံးအရာတွေပါပဲ။

တခြားလိုအပ်တာတွေ လိုချင်တဲ့အရာတွေ အများကြီးဆိုပေမဲ့ ဒီအလိုချင်ဆုံးသောအရာလေးနဲ့ နှိုင်းယှဉ်ရင် မမှီသေးပါဘူးလို့ပဲ ပြောချင်ပါတယ်။

ကဲ ခီခန့်လဲ ကျေနပ်မယ်ထင်ပါတယ်နော်။