ထားခဲ့ဖူးသော ရည်စားများ

ဗညားရှိန်က တဂ်ထားတယ်နော်လို့ လာအော်တော့ အပြေးအလွှားသွားကြည့်မိပါတယ်။ :( ခေါင်းစဉ်မြင်တော့ လုပ်ချလိုက်ပြန်ပြီ။ အပျိုကြီးလုပ်ပါမယ်ဆိုနေမှ ရည်စားရှိသလားလာမေးနေသလို ဖြစ်နေပြီနော်။။အစက ရေးစရာမရှိဘူးလို့ ပြောပေမဲ့ ရဘူးတဲ့။ အဲ..မကြိးရောင်ပြန်လဲရေးတာတွေ့ရော မကြီးရဲ့မောင်နဲ့ ရန်ပွဲမဖြစ်တာလေးကို အားကျပြီး ရေးမယ်ဆိုပြီး ဆုံးဖြတ်လိုက်တာ။ ဒီနေ့လဲ အိမ်တကာလည်တိုင်း တွေ့တာ ဒီခေါင်းစဉ်ပဲတွေ့နေရတယ်။ ကဲ..ကျွန်မလဲ မရှိတာလေး ထုတ်ကြွားရတာပေါ့။

ဘယ်လိုပြောရမလဲနော်။ ကျွန်မတို့က မောင်နှမတွေ တအားများတာ။ အမျိုးများတယ်ပေါ့။ တစိမ်းမလိုပဲ ဒိအုပ်စုနဲ့တင် ဆူညံနေတာ။ ဘယ်သွားသွား.တအုပ်တမကြီးသွားကြတာလေ။ ဘယ်ကောင်လေးက မှ လာမစရဲပါဘူး။ လူအုပ်ကြည့်ပြီး ရှိန်တာပေါ့။ မူလတန်းကနေအထက်တန်းအထိ ငါစာတော်တယ်ဆိုတဲ့ မာနနဲ့ တလောကလုံးကို တင်ကျွေးထားသလို မျက်နှာထားဆိုးဆိုးနဲ့ဆိုတော့ ဘယ်သူ့မှလဲ မကြိုက်ကြပါဘူး။ ပါဝါမျက်မှန်နဲ့ မျက်နှာစူပုတ်ပုတ်နဲ့ တွေးတာကြည့်တော့ တော်တော်လှနေမှာ။ :))

အင်းးး တောင်ငူမှာ GTI တက်တုန်းမှာပေါ့။ မွေးစားမိဘတွေက တောင်ငူမှာ တာဝန်ကျချိန်ဆိုတော့ ကိုယ်လဲ အဲဒီမှာ ကျောင်းတက်ဖြစ်သွားတယ်ပေါ့။ ပထမနှစ်၊ဒုတိယနှစ် ဘာမှမရှိခဲ့ပါဘူး။ ကျောင်းမှာ နာမည်ကြီး။ EP က Roll No.1 လို့မေးလိုက်။ မသိတဲ့သူမရှိ( ကြွားတာပေါ့)။ ဘာလို့လဲ သိလား။။သူငယ်ချင်းတွေနဲ့ ဗရုတ်သုတ်ခကျလွန်းလို့။

အဟမ်..သူနဲ့စတွေ့တာ တတိယနှစ်(GTI နောက်ဆုံးနှစ်)မှာပေါ့။ သင်တန်းဆင်းခါစ ကောင်လေးတယောက်ပေါ့။ ယောကျာ်းလေးဖြစ်ရက်နဲ့ အတော်ချောတဲ့ လူတယောက်ပဲ။ အသားဖြူဖြူ၊ မျက်ခုံးထူထူနဲ့ အရပ်က ငါးပေခုနှစ် အမြဲပြုံးနေတတ်ပြီး ရယ်လိုက်ရင် ပါးချိုင့်ယဲယဲလေးနဲ့ဆိုတော့ လူချောပေါ့။ ကျွန်မထက်.၁နှစ်ကျော်ကျော်ကြီးပါတယ်။ မိသားစုချင်း တော်တော်လေးရင်းနှီးတယ်ပေါ့။ တောင်ငူမှာ လေယာဉ်မောင်းသင်တန်း လာတက်ရင်း မိသားစုရင်းနှီးတော့ အိမ်ကပဲ လိုအပ်တာတွေ အားလုံးလုပ်ပေးတာပေါ့။ တနင်္ဂနွေဆို သူကအိမ်လာတယ်။ စနေဆို ကျွန်မက ဟင်းကြော်၊အသီးအနှံတခုခု သွားပို့တဲ့ တာဝန်ယူထားရတယ်။

အဟဲ. သူကတော့ ညီမလေးပေါ့။ ကျွန်မကတော့ အကိုပေါ့။ နောက်တော့ ကျွန်မရဲ့ မခင်သေးရင်တာ လူက ခပ်တည်တည်နဲို့ရင်းနှီးလာရင် ဆိုးတတ်နွဲ့တတ်တဲ့ အကျင့်အတိုင်း ဆိုးလို့ကောင်းတဲ့ အကိုတယောက်ရလာတာပေါ့။ အဲဒီမှာ သူ့ကို အကိုလို့ ခေါ်နေရင်းကနေ မြန်လာတော့ ကိုး ဖြစ်မှန်းမသိဖြစ်သွားတော့တာပါပဲ။

ဒါပေမဲ့ ကြာလာတော့လဲ သူက စနေဆိုရင် မျှော်နေတတ်သလို( နောက်ပိုင်း ကိုးပြောပြလို့ သိရတာပါ) ၊ ကျွန်မကလဲ တနင်္ဂနွေဆို ကိုးလာမဲ့လမ်းကို ငေးနေတတ်လာတယ်။ တခါတလေ. သူငယ်ချင်းတွေနဲ့ စာစုလုပ်ဖို့ သူတို့အဆောင်ကို လိုက်သွားရင်ပဲ ဖြစ်ဖြစ်၊ မိုးမိုး လမ်းကြုံတာနဲ့ ပစ္စည်း ၀င်ပို့လိုက်လို့ စနေတရက်မတွေ့တာနဲ့ တနင်္ဂနွေမှာ ကျွန်မကို ဘယ်သွားနေတာလဲ။ ဘာလို့မလာတာလဲ။ မျှော်နေတယ်ဆိုတာ မသိဘူးလားနဲ့ ပြောတော့တာပါပဲ။ အဲဒီလို ပြောတာကြားရပြန်တော့လဲ စိတ်မကောင်းဖြစ်ရတယ်။ စနေနေ့တိုင်း သွားဖြစ်ဖို့ ကြိုးစားရတာပေါ့။ စာစုလုပ်တာရှိနေရင်တောင် အချိန်မှီ အိမ်ပြန်ပြီး သွားပေးတယ်။ ပုံမှန်.ညနေလေးနာရီဆို သွားနေကျလေ။

နောက်တော့ တခါတလေ တနင်္ဂနွေနေ့တွေမှာ တောင်ငူ ရွှေဆံတော်ဘုရား သွားဖြစ်တယ်ပေါ့။ နှစ်ယောက်ထဲတော့ ဟုတ်ဘူးရယ်နော်။ အိမ်ပြန်ချိန်များဆိုရင်လဲ တခါတရံ စိတ်ကောက်ပြီး ထွက်မတွေ့ရင်၊ အခန်းထဲမှာပဲ စာကျက်နေရင် အဆောင်ဝင်ရမဲ့ အချိန်နီးနေတာတောင် ကျွန်မမျက်နှာ မမြင်ရမချင်း မပြန်ဘူး။ နောက်တော့ အဆောင်ပြန်ချိန် နောက်ကျလို့ အဆူခံထိမှာစိုးတာနဲ့ မျက်နှာစူပုတ်ပုတ်နဲ့ ထမင်းစားခန်းမှာ ရေပဲထွက်သောက်သလိုလို၊ ဧည့်ခန်းမှာ စာအုပ်ပဲ ကျန်ခဲ့သလိုလိုနဲ့ မျက်နှာထွက်ပြရတာပေါ့။ ကိုးကလဲ အဲဒီခါကျမှ ကျွန်မခေါင်းကို ပုတ်ပြီး ဒေါ်စိတ်ကောက်လို့ ပြောပြီးပြန်တာ။

ကျွန်မကျောင်းပြီးလို့ တဘက်ကနေ တောင်ကြီးတက္ကသိုလ်မှာ အဝေးသင်စာမေးပွဲ ဖြေစရာနဲ့ကြူံလာတာမို့ ရှမ်းပြည်ပြန်တော့ စိတ်မကောင်းဖြစ်ပြီး ကျန်ခဲ့တယ်။ သိပ်မကြာပါဘူး။ ကျွန်မနဲ့ တလပဲကွာတယ်။ သူလဲမိတ္တီလာကို သင်တန်းဆင်းပွဲမတိုင်ခင် သွားရတာပါပဲ။ နောက် ဖုန်းနဲ့အဆက်အသွယ် မပျက်ခဲ့ကြဘူး။ မိသားစုချင်းခင်မင်ပြီးသားဆိုတော့ တယောက်သတင်းကိုလဲ တယောက် မပြတ်ကြားနေရတာပဲလေ။ ကျွန်မ ရန်ကုန်ရောက်တော့ ခဏပဲတွေ့လိုက်ရတယ်။ ရေစက်မပါတာထင်တယ်။ တယောက်ဒီရောက်ရင် တယောက်က တခြားတနေရာေ၇ာက်သွားတယ်။

ကျွန်မရဲ့ပိုက်ဆံအိတ်လေးထဲကို သူ့ပတ်စပို့ဆိုဒ် ဓာတ်ပုံလေးထဲ့ပေးခဲ့တာ နောက်ဆုံးပဲ။ အဲဒီဓာတ်ပုံလေးကို လွန်ခဲ့တဲ့ သုံးနှစ်လောက်ကမှ စိတ်ဆိုးပြီး ကက်ကြေးနဲ့ ညှပ်လိုက်တာ။ ဒါပေမဲ့ တခြားပုံကိုတော့ ညီမလေး သိမ်းထားပေးလို့ အခုထိရှိနေပါသေးတယ်။ သိပ်မကြာသေးခင်က ညီမလေးကတောင် ထဲ့လာပေးရမလားလို့ စနေသေးတယ်။

ကိုးနဲ့ကျွန်မ စသိတော့ ကျွန်မတို့အသက်.ဆယ့်ကိုးနဲ့ နှစ်ဆယ်ပါ။ အခုဆို.ဆယ်စုနှစ်တခုရှိခဲ့ပြီပေါ့။ ဒါပေမဲ့ ကိုးကလဲ ကျွန်မကို ချစ်တယ်လို့ မပြောခဲ့သလို ကျွန်မကလဲ အချစ်ဆိုတာ မသိခဲ့ပါဘူး။ ခိုင်မြဲတဲ့ သံဃောဇဉ်တခုပဲ ရှိခဲ့တယ်လို့ အခုချိန်မှာ ကျွန်မတွေးမိသွားတယ်။ ထူးဆန်းတာ တခုလေးတော့ ပြောပြမယ်နော်။ ခုချိန်ထိ နှစ်ယောက်လုံး လက်မထပ်သေး၊ ချစ်သူမထားသေးတာပါပဲ။ :))


ဒါပါပဲ။ကျွန်မဇာတ်လမ်းက ဘာမှမရှိဘူး။ ထားခဲ့ဖူးတဲ့ ရည်းစားတော့ ဟုတ်ဘူးနော်။ ဆုံခဲ့ဖူးတဲ့ အကြောင်းအရာလေး တခုပဲ။ ဗညား.ကျေနပ်မယ်ထင်ပါတယ်နော်။ ဆက်ရေးဖို့ မရှိတော့ပါကြောင်း။ အခုမှ ဗညား အစပြန်ဖော်လို့ ကိုးကို တအား သတိရသွားတယ်။ :)

ကဲ.တော်ပြီ..ကိုးပြီးတော့ တဆယ်၊ ဆယ့်တစ်တွေ မရှိပါကြောင်းလို့ပဲ နိဂုံးချုပ်တယ်။