ဥတေနနဲ့ မာဂဏ္ဍီ

မာဂဏ္ဍီ ဆိုတာ ပုဏ္ဏားမျိုးရိုး ဖြစ်ပြီး ကောသမ္ဗီပြည်နန်းတွင်း ပုရောဟိတ်ကြီးရဲ့ တူမဖြစ်ပါတယ်။ သိပ်ချောသိပ်လှတာ အထူးသဖြင့် မျက်လုံးလေးတွေ သိပ်လှသတဲ့။ ဒီတော့ သိပ်အလှမာန်တက်တဲ့ မိန်းမပျိုလေးပေါ့။ တော်ရုံမင်းညီမင်းသား သူဌေးသား သာမာန်ယောက်ျားများကို မစဉ်းစားဘူး။ အဲဒီလိုပဲ မိဘများလဲ သမီးအတွက် အကောင်းဆုံးကို ရွေးချယ်တာပေါ့။

ဒီလိုနဲ့ တစ်နေ့မှာ ဂေါတမမြတ်စွာဘုရား ဆွမ်းခံထွက်ချိန်မှာတော့ မာဂဏ္ဍဖခင် ပုဏ္ဏားကြီးက မြတ်ဘုရားရဲ့ ခြေရာတော်ကို ကြည့်ပြီး သူ့မိန်းမနဲ့ သမီးကို အပြေးခေါ်ကာ သမီးဖြစ်သူနဲ့ ထိုက်တန်တဲ့ ယောကျာ်းမြတ်ကို ရှာတွေ့ပြီဆိုပြီး နောက်ကလိုက်သွားတော့တာပေါ့။ ဒီလိုနဲ့ မြတ်ဘုရားနဲ့လဲ ဆုံတွေ့ရော ပုဏ္ဏားကြီးက သမီးဖြစ်သူကို လက်ထပ်ဖို့ ပြောဆိုတော့ ကျွန်မတို့ မြတ်ဘုရားက ငြင်းပယ်ပြီး သံသရာလွတ်ကြောင်း တရားဟောတော်မူတဲ့အခါမှာတော့ ပုဏ္ဏားကြီးနဲ့ ပုဏ္ဏားမတို့က တရားအသိရကာ လူ့ဘောင်ကို စွန့်ခွာသွားကြပါတော့တယ်။

အဲဒီမှာ မာဂဏ္ဍီ မိုက်တွင်းနက်ချက်ကတော့ မြတ်ဘုရားရဲ့တရားတော်ကို မခံယူတတ်တဲ့အပြင် သူမရဲ့အလှတရားကို ရှုံ့ချတော်မူတယ်လို့ မြင်ပြီ်း မိဘတွေ တောထွက်သွားတော့ မြတ်ဘုရားကို အမုန်းကြီးမုန်း သွားပါတော့တယ်။ မိဘတွေ မရှိတော့ ဦးလေးဖြစ်သူ ပုရောဟိတ်ကြီး ကပဲ ဆက်လက်စောင့်ရှောက်ဖို့ တာဝန်ရှိလာတယ်လေ။ ပုရောဟိတ်ကြီးက တူမဖြစ်တဲ့ မာဂဏ္ဍကို ဥတေနဘုရင်ထံသို့ ဆက်သလိုက်လို့ မာဂဏ္ဍီဟာ ဥတေနဘုရင်ရဲ့ ဒုတိယမိဖုရားကြီး ဖြစ်လာပါတော့တယ်။။။