ကြောက်လို့ပါ ဆရာရယ်။

ဆေးကျောင်းဆင်းခါစ ဆရာဝန်ပေါက်စကလေး တစ်ယောက် သူရဲ့ first posting တာဝန်ကျရာ ဆေးရုံလေးသို့ ရောက်ရှိတဲ့နေ့မှာပဲ ချက်ချင်းဆိုသလို လူနာတစ်ယောက်ကို ဆေးကုသခွင့်ရတော့တာပါပဲ။ လူနာကတော့ စက်ရုံမှာ အလုပ်လုပ်ရင်း စက်ညှပ်မိတဲ့ ကောင်မလေး တစ်ယောက်ပေါ့။ နာလွန်းလို့ ငိုနေတဲ့ ကောင်မလေးခမျာ သနားစရာလေးပဲ။ လက်ကျိုးမကျိုးဆိုတာကလဲ ကြည့်ရုံနဲ့ မသိနိုင်၊ စမ်းကြည့်ဖို့ လုပ်တော့ တအားနာနေတာမို့ အထိမခံနိုင်ဘူး ဖြစ်နေလေတော့ အရင်ဆုံး အနာသက်သာအောင် analgesic တစ်မျိုး ဆေးထိုးပေးဖို့ လုပ်တော့တာပါပဲ။ ဆေးထိုးမယ်လဲ ကြားရော ကောင်မလေးက ပိုလို့တောင် ငိုပါလေရောတဲ့။ ဆေးထိုးခံရမှာ ကြောက်တဲ့သူလေးပေါ့။ ဆရာဝန်လေးက ချော့မော့ပြီး ပြောဆိုတော့ ကောင်မလေးကလဲ နောက်ဆုံး ဆေးထိုးဖို့ လက်ခံလိုက်ပါရော။ ဒီလိုနဲ့ အားလုံးပြင်ဆင်ပြီးချိန် ဆေးထိုးမယ်လဲ လုပ်ရော ကောင်မလေး ဘာမပြော ညာမပြောနဲ့ ကုတင်ပေါ်ကနေ ဆင်းပြေးသွားတာ လှည့်တောင်မကြည့်ဘူး။ ဆရာဝန် အသစ်စက်စက်ကလေးခမျာ ဘာလုပ်လို့ လုပ်ရမှန်းမသိ၊ အခုမှ ရောက်ခါစလေးဆိုတော့ ဆေးထိုးအပ်ကိုင်လျက် ကြောင်တောင်တောင်လေး ကျန်နေခဲ့တော့တယ်။