သူငယ်ချင်းကောင်း မိတ်ဆွေကောင်း

အခုတလော တဂ်ကြွေးတွေချည်း ဆပ်နေတာလေ။ လာပြန်ပေါ့..မနှင်း ( အပြင်မှာ တော်တော်ချောတယ်.သိလား.:) ဖောက်သည်ချလိုက်ဦးမယ်)။ ငုံရေ.တဂ်ထားတယ်နော်တဲ့။ သူငယ်ချင်းကောင်း မိတ်ဆွေကောင်းတဲ့။

မှန်ပါတယ်။ လူ့လောကမှာ မိတ်ဆွေကောင်း သူငယ်ချင်းကောင်းတွေ လိုအပ်ပါတယ်။ ကလျာဏမိတ္တဆိုတာ လောကီစီးပွားရေးတင်မကပါဘူး။ သံသရာလွတ်ကြောင်းထိမှာပါ အဓိကနေရာမှ ပါဝင်နေတယ်လေ။

ကျွန်မတို့ မြန်မာစကားပုံမှာတောင် ရှိတယ်လေ။ “တံငါးနားနီး တံငါ၊ မုဆိုးနားနီး မုဆိုး “တဲ့။ ပတ်ဝန်းကျင်ကြောင့် အများကြီး ပြောင်းလဲသွားနိုင်တယ်။ စိတ်ဓာတ်ရေးရာမှာလည်း ကြီးပြင်းရာ ပတ်ဝန်းကျင်ဒေသအလိုက် အကျင့်စရိုက်တွေ ပြောင်းလဲသွားကြတယ်မဟုတ်လား။ ကျွန်မတို့ ငယ်ငယ်ကသင်ဖူးတဲ့ ကျေးညီနောင်လိုပေါ့။ ဒီတော့ ကျွန်မတို့ ပတ်ဝန်းကျင်မှာ မိတ်ဆွေကောင်း၊ ၀န်းကျင်ကောင်းတွေ လိုကို လိုအပ်ပါတယ်။ သူတို့ကနေမှတဆင့် ကိုယ်မသိတာ၊ ကိုယ်မှားယွင်းနေတာကို သိရှိပြီး တဖြည်းဖြည်းနဲ့ သူတို့နဲ့အတူ လိုက်လံ ပြောင်းလဲမိသွားတယ်လေ။ ဘယ်လောက်ပဲ ဆိုးမိုက်တေလွင့်နေသူပဲဖြစ်ဖြစ် တကယ့် မိတ်ဆွေစစ်မှန်သူ၊နဲ့ တွေ့တော့ မယုံနိုင်အောင် ပြောင်းလဲသွားတတ်ကြပါတယ်။ တချို့ကျတော့လဲ ပတ်ဝန်းကျင်က နားလည်မပေးတတ်တော့ သိပ်မဆိုးခင် အခြေအနေကနေ အရွဲ့တိုက်မှု့တွေ ဖြစ်ပေါ်လာပြီး နောက်ဆုံး ပြုပြင်ပြောင်းလဲလို့ မရတာတွေ အများကြီး ဖြစ်လာရပါတော့တယ်။ တချို့တချို့တွေ ရှိပါတယ်။ စိတ်ထားလေးတော့ ကောင်းပါရဲ့။သူငယ်ချင်းက မြှောက်ပင့်စားနေသူတွေ၊ ရှေ့မှာတမျိုး နောက်ကွယ်တမျိုးနဲ့ စိတ်ထားမမှန်တဲ့သူတွေနဲ့ မိတ်ဆွေပေါင်းသင်းဖြစ်ရတော့ ကိုယ့်အတွက် ဒီဘ၀တင်မကဘူး။ နောင်သံသရာအတွက်ပါ အကျိုးမရှိတတ်တာမျိုး ဖြစ်သွားတာတွေ အများကြီးတွေ့ဖူးပါတယ်။

ဒါကြောင့် ပတ်ဝန်းကျင်ဆိုတာက လူတယောက်ကို ပြောင်းလဲရာမှာ အများကြီး ပါဝင်နေတယ်။ မိတ်ဆွေကောင်း ၊ ၀န်းကျင်ကောင်း ရှိရက်နဲ့ ပါဝင်မှု့မရှိလာတာတွေလဲ အများကြီးပါပဲ။ ဘယ်တတ်နိုင်မှာလဲ။ တတ်နိုင်သလောက် ကိုယ်ပြောဆိုပေးပြီးပြီပဲ။ ကျွန်မကို လူတယောက် ပြောဖူးသလိုပေါ့။ ကိုယ်က တရားပြောပေမဲ့ သူ့က မလိုက်နာနိုင်ရင် မကြိုက်ရင် မတရားဆိုတာ ဖြစ်လာတော့ သူ့အတွက် ပိုအကုသိုလ်ဖြစ်တာပေါ့တဲ့။

ကျွန်မဆိုလဲ ဘာပြောပြော သူငယ်ချင်းအပေါင်းအသင်း တော်တော်များတယ်။ တချို့တလေ စိတ်ထားမမှန်သူတွေနဲ့ ဆုံဆည်းဖူးပေမဲ့လည်း ခဏပဲပေါ့။ ဒါကိုလဲ ကိုယ့်အတွက် သင်ခန်းစာပေးတယ်လို့ပဲ မှတ်ယူတယ်။ ကံကောင်းပါတယ်။ ကျွန်မရရှိခဲ့တဲ့၊ ရရှိထားတဲ့ သူငယ်ချင်း အပေါင်း အသင်းများက ကျွန်မကို ကောင်းစေချင်လို့ ပြောဆိုဆုံးမနေသူတွေချည်း။ ဆိုးနေတာ ကျွန်မပေါ့။ ဟုတ်လား??? :))

ကျွန်မကတော့ ရှင်းပါတယ်။ ကျွန်မလူတစ်ယောက်ကိုခင်ရင် ကျွန်မရဲ့ စိတ်ခံစားချက်အတိုင်းပဲ ခင်တတ်တယ်။ ခင်ချင်ရင်ခင်တယ်။ မခင်ချင်ရင် ဘယ်လောက်ကောင်းပြပြ မခင်တတ်ဘူး။ ဒီတော့ ကျွန်မက မိတ်ဆွေကောင်း သူငယ်ချင်းကောင်းတယောက်လားဆိုတာ မသိပေမဲ့ ကျွန်မရဲ့စိတ်အတိုင်း ဟန်မဆောင်ပဲ နေတတ်လို့ တခါတရံ စိတ်ပျက်မှု့တွေရှိလာရင် တောင်းပန်ပါတယ်။ တမင်တကာ ရည်ရွယ်လုပ်ဆောင်လိုက်တာ တစ်ခုမှမရှိပါဘူး။ ပတ်ဝန်းကျင်မိတ်ဆွေတွေအတွက် မိတ်ဆွေကောင်းတစ်ယောက် မဖြစ်လာနိုင်ရင်တောင် အဆိုးတွေ ပေးမဲ့သူတယောက်အနေနဲ့တော့ မနေချင်ပါဘူး။ ကြိုးစားနေဆဲသူတစ်ယောက်ပါပဲ။

အမှန်က ကျွန်မဒီခေါင်းစဉ်လေးကို ကျွန်မနာယူဖူးတဲ့ တရားတွေနဲ့ ပြောပြချင်တာ။ ဒါပေမဲ့ ကျွန်မ သိတာနည်းတဲ့အတွက် မပြည့်စုံမှု့တွေ၊ အမှားအယွင်းတွေရှိလာမှာစိုးတယ်လေ။ အခုတော့ ဒီလောက်နဲ့ ကျေနပ်မယ်ထင်ပါတယ်။ ကဲ မနှင်းရေ..ကျေနပ်တယ်မလား..