မွေးရပ်မြေနဲ့ရိုးရာဓလေ့များ(၅)

ဒီတခါရေးလိုက်မှာကတော့ ရိုးရာဓလေ့မဟုတ်ပါဘူး။ အခုလို မိုးရာသီမှာ ကျွန်မတို့မြို့ရဲ့ မိုးရွာသွန်းပုံလေးကို ပြောပြချင်တာ။ ကျွန်မရဲ့ မွေးရပ်မြေလေးဟာ ရှမ်းပြည်တောင်ပိုင်းမှာ အအေးဆုံးမြို့ရယ်လို့ ဆိုရင်မမှားပါဘူး။ နွေရာသီမှာတောင် မနက်နဲ့ ညနေစောင်းချိန်ဆိုရင် အနွေးထည်ဝတ်ထားရတယ်။ အခုတော့ ပြီးခဲ့တဲ့နွေက ပိုပူလာတယ်လို့ ကြားရတော့ အင်းးပေါ့လေ။ရာသီဥတုဖောက်ပြန်နေတာကိုးနော့။ ချယ်ရီပွင့်တဲ့ ဆောင်တွင်းဆို ခိုက်ခိုက်တုန်အောင် ချမ်းသမှ စိမ့်နေတာပါပဲ။ မနက်မိုးလင်းလာရင် အေးခဲနေတဲ့ ရေလေးတွေကို ကစားဖို့လောက်တော့ စိတ်ဝင်စားတယ်။ အချပ်လိုက်ကလေး ဖြစ်အောင် ရေခဲကို ခွာထုတ်ပြီး ကစားတာ ဘာမှလဲမဟုတ်ပေမဲ့ အခုချိန်မှာ ပြန်တွေးတော့ သိပ်ပျော်စရာကောင်းတာပဲ။ မနက်မိုးလင်းလို့ မျက်နှာသစ်ဖို့ ရေနွေးချထားပေးတာတောင် မျက်နှာမသစ်သေးပဲ ဒီလောက်အေးနေတာကို အဲဒီရေခဲချပ်သွားခွာခွာကစားနေလို့ ခဏခဏအအော်ခံရတာလဲ မမှတ်ဘူး။ (အားးးးးလွမ်းလိုက်တာနော်..)

အခုလို မိုးရာသီဆို ရွာပါလိုက်မယ်.မိုး.သင်္ကြန်အပြီးဆိုတာနဲ့ ၇ွာလိုက်တဲ့မိုးက သီတင်းကျွတ်မှပဲ တိတ်တော့တယ်။ တစိမ့်စိမ့်နဲ့ ရွာနေလိုက်တာ တနေကုန် တနေခမ်း။ ဆိုတော့ ဒီလိုမိုးစိမ့်စိမ့်နဲ့ ရွာနေတော့ အပြင်ထွက်ရမှာ ပျင်းတယ်။ မိုးကိုကြည့်ပြီးတော့ အလုပ်မဖြစ်ဘာမဖြစ်နဲ့။ ဒါကြောင့် ကျွန်မတို့ မြို့ခံလူတွေ ပြောစမှတ်ရှိတာက မြို့လေးရဲ့မိုးရွာသွန်းမှု့ကို လူပျင်းမိုးတဲ့။ အ၀တ်တွေလဲ မခြောက်၊ စိုထိုင်းထိုင်းနဲ့ နောက်ဆုံး.နေကလေး တချက်ပွငိ့တာနဲ့ ကမန်းကတန်းနေရောင်ပြ.အဲ သိပ်တောင်မကြာလိုက်ဘူး။ မိုးက ပြန်ရွာနဲ့ ဘယ်နားလာ ခြောက်တော့မှာလဲ။ ဒီတော့ မီးအပူပေးပြီးပဲ ခြောက်အောင် လုပ်ရတော့တယ်။ ကလေးသေးသေးလေး ရှိတဲ့အိမ်ဆိုပိုဆိုးတာပေါ့။ အနှီးလေးတွေ မခြောက်နိုင်တော့ နောက်ဆုံး ခြင်းပေါ် တထပ်ချင်းခင်း ပြီး မီးဖိုဘေးထားတာတို့ မီးအပူပေးတာတို့လုပ်ရတာပါပဲ။ ဒီလိုချိန်မှာ လက်ဘက်ခြောက်တွေ သိပ်မကောင်းဘူး။ ကျက်ခိုးနံ့နံတယ်လေ။ သိတယ်မလား။ လက်ဘက်ခြောက်ဆို ရွှေဖီမိုးလွတ်မှ အကောင်းဆုံးပါပဲ။ ဒီမိုးခြောက်ကတော့ မိုးတွင်းမှာ နေမထွက်တော့ မခြောက်နိုင်တာနဲ့ ကျက်ခိုးတင်ရတော့တာပါပဲ။ မီးခိုးနံ့နဲ့ဆိုတော့ သိပ်မကောင်းဘူးပေါ့။

ကျွန်မသူငယ်ချင်းတစ်ယောက် မြို့ကိုအလည်လာတော့ ဘာပြောသွားတယ်မှတ်လဲ။ သူလာလည်တဲ့ချိန်က သီတင်းကျွတ်နားနီးချိန်ဆိုတော့ မိုးမပျက်သေးဘူးလေ။ ဘယ်နေရာကြည့်ကြည့် တောင်တွေပဲတွေ့တယ်။ မိုးကလဲရွာလိုက်တာ တနေကုန်၊ ဘယ်မှမသွားချင်ပဲ စာအုပ်တအုပ်နဲ့ မီးဖိုဘေး နှပ်နေတာ ထကိုမထချင်ဘူးတဲ့။ ကောင်းရော။ တကယ်လဲ ဘယ်မှမရောက်ဘူး။ ဘယ်မှလဲမသွားဘူး။ အိမ်မှာပဲနေသွားတယ်။ ကျွန်မလဲ တော်တော် အိမ်ရှင်ပီသလိုက်တာများ လူပျင်းမိုးနဲ့အတူ လိုက်ရောရောင်ပျင်းနေတာလေ။:))

ဒါကြောင့်ကြိုပြောထားတယ်နော်။ လာလည်ရင် မိုးတွင်းလာမလည်နဲ့။ ဘယ်မှ လိုက်မပို့ဘူးနော်။။။