သတိရမိသော အဖြစ်လေးတစ်ခု

ကျွန်မ ဒီနေ့ ရောက်တတ်ရာရာ တွေးရင် တောင်ငူမှာ ဂျီတီအိုင် တက်တုန်းက အဖြစ်လေးကို ပြန်သတိရမိတယ်။ ကျွန်မ ဒုတိယနှစ်မှာပေါ့။ ကျွန်မတို့ အုပ်စုက ကျောင်းမှာ တကယ့် ဗရုတ်သုတ်ခ အုပ်စုလေ။ တနေရာရာ သွားမယ်ဆို ငြင်းတယ်လို့ကို မရှိဘူး။ ညီကြတယ်။ တစ်နေ့ နေ့လည်ခင်းမှာ သူငယ်ချင်းတွေ ကျောင်းမတက်ပဲ ရေတာရှည်မြို့နယ်မှာ ရှိတဲ့ ရှေးဟောင်း သမိုင်းဝင် မယ်ဒက်မယ်ကယ် ဘုရားကို သွားဖူးဖို့ ပြင်ကြတယ်။ ရေတာရှည်မြို့ကနေ ကျောင်းလာတက်တဲ့ သူငယ်ချင်း နဲ့ အုပ်စုလိုက် ကျောင်းလစ်ကြတာပေါ့။ ဘုရားကိုရောက်တော့ မြို့ခံ သူငယ်ချင်းက ပြောပါတယ်။ ဒီဘုရားက နတ်ကြီးတယ်။ အပြောအဆိုမှားလို့ မရဘူး။ အပြုအမူတွေလဲ ဆင်ခြင်ကြဖို့ပေါ့။ ကျွန်မတို့ကို ဒေသခံ ပြောပြတဲ့ ဘုရားသမိုင်းလေးက…

အမှန်က စေတီက နှစ်ဆူပါ။ မယ်ဒက်နဲ့ မယ်ကယ်ဆိုတဲ့ ညီအမနှစ်ဦး မိကျောင်းက ပါးစပ်နဲ့ ကိုက်ချီလာတဲ့ ဓာတ်တော်ကို ဌာပနာထားတာပါတဲ့။ အဲဒီမှာ ညီမဖြစ်သူ မယ်ကယ် က သူ့ရဲ့စေတီတော်ကိုတော့ ပါရမီရေစက်ရှိသူများသာ ဖူးမြော်နိုင်ရန် အဓိဌာန်နဲ့ တည်ထားတော်မူထားတယ်လို့ သိရပါတယ်။ ကျွန်မတို့ အခုသွားဖူးတာကတော့ မယ်ဒက်ဘုရားပေါ့။

ကျွန်မကတော့ သူငယ်ချင်းပြောတဲ့အတိုင်း ဟုတ်ဟုတ်မဟုတ်ဟုတ် ကိုယ့်ဘက်ကနေ မချွတ်ယွင်းရအောင် ဘုရားရောက်သည်နှင့် လုံးဝ စကားမပြောတော့ဘူး။ လူငယ်ဆိုတော့ ပြောမှားဆိုမှား ဖြစ်သွားမှာစိုးတယ်လေ။ သတိထားတာပေါ့။ အဲဒီမှာ သတိမထားလိုက်မိသူကတော့ မဝေ ဆိုတဲ့ သူငယ်ချင်းပါပဲ။ ကျွန်မတို့ ဘုရားရှိခိုးပြီးတာနဲ့ လှည့်ပတ်ကြည့်ကြတုန်း ဓာတ်တော် ပင့်ချီလာတဲ့ မိကျောင်းကန်သို့အရောက်မှာ သူက မုန့်စားထားလို့ လက်ပေနေတာကို အဲဒီကန်ထဲ လက်နှိပ်ပြီး ဆေးလိုက်တယ်လေ။ အားလုံးက မလုပ်နဲ့လေလို့ အော်တာ မမီလိုက်ဘူး။

နောက်ကျွန်မတို့ တောင်ငူပြန်တော့ စီးလာတဲ့လိုင်းကား ရေတာရှည်မြို့အထွက်မှာတင် တိမ်းမှောက်ပါလေရော။ တော်သေးတယ်။ ကျွန်မတို့ ဘာမှမဖြစ်တာ။ နောက်တစ်စီး ပြောင်းစီးတော့ ကျွန်မက ရသမျှဘုရားစာကို ရွတ်တော့တာပဲ။ ဂျီတီအိုင် ကျောင်းရှေ့မှာပဲ ကျွန်မဆင်းလိုက်တယ်လေ။ ကျွန်မ က ကျောင်းကနေလစ်ပြီး သွားတာကိုး။ အိမ်က အကြိုအပို့ရှိတော့ ကျောင်းပဲ ပြန်လာမှ ရမယ်လေ။ လာကြိုတဲ့သူတောင် ကြိုရောက်နေပြီ။ ကျွန်မလဲ ကားမှောက်လာတဲ့ အကြောင်းမပြောမိအောင် နေရတာပေါ့။ (ကျွန်မ အကျင့်တစ်ခုရှိတာက အိမ်က မသိအောင် တခုခု လုပ်ပြီးရင် ဘယ်သူမှ စစ်စရာမလိုဘူး။ မနေနိုင်မထိုင်နိုင် ပြန်ပြောတတ်တယ်။ )

နောက်ရက် ကျောင်းလာတော့ တူတူသွားကြတဲ့အထဲ ကျွန်မနဲ့ နောက် နယ်က ကျောင်းလာတက်လို့ ကျောင်းနားက ကန်ရိုးရွာမှာ နေတဲ့ သူငယ်ချင်းတွေပဲ ကျောင်းလာပြီး မြို့ထဲ ပြန်တဲ့သူတွေ မလာကြဘူး။ နေ့လည်ပိုင်းရောက်မှ သူငယ်ချင်းဗညား ကျောင်းရောက်လာပါလေရော။ ခေါင်းမှာ ပလာစတာကြီးနဲ့။ ခေါင်းကွဲသွားလို့ ချုပ်ရတာတဲ့။ အားလုံးက တစ်အံတသြနဲ့ ဘာဖြစ်တာလဲ ၀ိုင်းမေးတော့

ကျွန်မတို့ ဆင်းသွားပြီး တောင်ငူမြို့ထဲ အ၀င် ကွေ့လေးမှာ ခဏက ကျွန်မပြောတဲ့ မဝေဆိုတဲ့ သူငယ်ချင်းမလေးက ဒီတခါ ကားတိုက်ရင် တည့်တည့်တိုက်မှာလို့ ပြောပြီး စက္ကန့်ပိုင်းမှာတင် ရှေ့က ပေါ်တော်မူဘုရား အုတ်တံတိုင်းကြီးကို ၀င်တိုက်ပါတော့တယ်တဲ့။ ကျန်သူငယ်ချင်းတွေလဲ ပွန်းပဲကျတာမျိုး ရှိတဲ့အကြောင်း ၊ မဝေကတော့ ခေါင်းနဲ့ လက်အထိများလို့ ဆေးရုံတင်ထားရတဲ့ အကြောင်းပြောတော့ စိတ်မကောင်းဖြစ်ကြရတယ်။ နောက် ဆေးရုံကို သတင်းမေး ပြေးကြတာပေါ့။

အဲဒီနောက်ပိုင်း ကျွန်မတို့ အုပ်စုတော်တော် ခြေငြိမ်သွားပါတယ်။ မဝေလဲ စိတ်မကောင်းတွေ ဖြစ်ပြီး သူ ဆေးရုံက ဆင်းတော့ အဲဒီဘုရားကို သူ့အိမ်နဲ့ တခေါက်ပြန်သွားပြီး သွားကန်တော့ တောင်းပန်တယ်တဲ့။ ကျွန်မလဲ သူငယ်ချင်းတွေ ဆေးရုံတက်ရတဲ့ အကြောင်းကို ပြောရင်း ကျောင်းလစ်ပြီး တစ်ခြားမြို့က ဘုရားသွားဖူးရင်း ကားမှောက်တဲ့ အကြောင်း ပြောမိပါတော့တယ်။ မသေကောင်း မပျောက်ကောင်း ဆိုပြီးတော့ အဆူလေးတော့ နည်းနည်းခံလိုက်ရပါတယ်။

ဒီဖြစ်ရပ်မှာကို ကြည်ြ့ပီး ဘာကြောင့် ဖြစ်ဖြစ်ပါ။ ကိုယ်မယုံကြည်ရင် မဝေဖန်၊ မပြစ်မှားလိုက်ပါနဲ့နော်။ ကျွန်မတို့တော့ သင်ခန်းစာ ကောင်းကောင်းရ သွားပါတယ်။